ޝީޝާ ސައިކަލް ތާސްޓް: ސައިކަލް ގަންނަ ފައިސާ އަނބުރާ ބޭނުންތަ؟

ސައިކަލް ގަންނަން ސީދާ، ޝީޝާ އަށް ދާންވީ މިހެންވެ އެވެ. ޝީޝާ ހަމަ ތަފާތީ އެވެ. އެކަން އެނގެނީ ކޮންމެ އަހަރެއްގެ ރޯދަ މަހާ ދިމާކޮށް އެ ކުންފުނިން ކުރިއަށް ގެންދާ، "ޝީޝާ ސައިކަލް ތާސްޓް" ޕްރޮމޯޝަނުންނެވެ. މި އަހަރުގެ ޝީޝާ ސައިކަލް ތާސްޓް ޕްރޮމޯޝަން ފެށިއިރު، ސައިކަލް ގަންނަ ފައިސާ އަނބުރާ އަތަށް ލިބުމުގެ އިތުރުން އަގު ބޮޑެ އިނާމު ތަކެއް ލިބޭނެ އެވެ.

"މި ސޭލްގެ ބޭނުމަކީ ރޯދަމަހާ ދިމާކޮށް ގިނަ ބަޔަކު ސައިކަލް ގަންނާތީ އެފަދަ ބޭފުޅުންނަށް ފުރުސަތު ތަނަވަސް ކޮށްދިނުން،" ޝީޝާގެ، ހެޑް އޮފް މާކެޓިން ފާތުމަތު ޖުމާން ވިދާޅުވި އެވެ.

ރޯދަ ނިމެންގެން ކުރިއަށް ގެންދާ "ސައިކަލު ތާސްޓް"ގެ ޕްރޮމޯޝަންގައި ގުރުއަތުން ހޮވޭ މީހަކަށް އެމީހަކު ސައިކަލަށް ދައްކާފައިވާ ފައިސާ އަނބުރާ ޖަމާ ކޮށްދޭނެ އެވެ. މާނައަކީ 100 ޕަސެންޓް ރީފަންޑް ދޭނެ އެވެ.

ޝީޝާއަކީ މަހުން ބަހަށް ބަލާލައިގެން ސައިކަލް ވިއްކުމަށް ރާއްޖޭގައި އެންމެ މަޝްހޫރު ކުންފުންޏެވެ. އެހެންވެ، އިންސްޓޯލްމަންޓަށް ސައިކަލު ނަގާ މީހުންނަށް ވެސް މި ޕްރޮމޯޝްންގައި ބައިވެރިވުމުގެ ފުރުސަތު ވަނީ ޝީޝާއިން ދީފަ އެވެ. ޕްރޮމޯޝަން ކުރިއަށްދާއިރު، އިންސްޓޯލްމަންޓް އުސޫލުން ސައިކަލް ނަގާ މީހުންނަށް ތިން މަހާއި ހަމަހާ ދެމެދުގެ މުއްދަތަކަށް އިންސްޓޯލްމަންޓަށް ނަގާ ފީ ހިލޭ ވާނެ އެވެ.

"މިގޮތަށް ދައްކާ ޑައުންޕޭމަންޓު ސައިކަލުގެ އަގަށްވުރެ 30 ޕަސެންޓަށް ވުރެ ދައްވާނަމަ ތިން މަސް ވަންދެން އިންސްޓޯލްމަންޓް ފީ ހިލޭ ވާނެ. މީގެ އިތުރުން 30 ޕަސެންޓަށް ވުރެ މަތިނަމަ ހަ މަސް ދުވަހަށް އިންސްޓޯލްމަންޓް ފީ ހިލޭ ވާނެ،" ޖުމާން ވިދާޅުވި އެވެ.

މީގެ އިތުރުން މި ޕްރޮމޯޝަންގައި ހަ މަހަށް ބަހާލައިގެން އިންސްޓޯލްމަންޓް ޗާޖްއަކާއި ނުލާ ސައިކަލު ނެގުމުގެ ފުރުސަތު ވެސް ލިބޭނެ ކަމަށް ޖުމާ ވިދާޅުވި އެވެ.

މި ޕްރޮމޯޝަންގައި މި އިނާމުތަކުގެ އިތުރުން، އިންސްޓޯލްމަންޓް މެދުވެރިކޮށް ފައިސާ ދައްކާ ފުރަތަމަ 100 މީހަކަށް ހާއްސަ "ގިފްޓް ހެމްޕާސް" އެއްވެސް ދޭނެ އެވެ. އަދި މި ޕްރޮމޯޝަން ލިބިގެންދާނެ އެވެ. އަދި މި ޕްރޮމޯޝަންގައި އިންސްޓޯލްމަންޓަށް ފައިސާ ދައްކާތާ އެންމެ 24 ގަޑިއިރު ތެރޭގައި ސައިކަލް އަތަށް ދޭނެ އެވެ.

ޝީޝާއަކީ ރާއްޖޭގައި ސައިކަލްގެ ވިޔަފާރި ކުރާތާ އެންމެ ޒަމާންވީ އެއް ކުންފުންޏެވެ. ޝީޝާ އިން 1990ގެ އަހަރު ތަކުން ފެށިގެން ދަނީ މި ވިޔަފާރި ކުރަމުންނެވެ. އަދި ޝީޝާއަކީ ހޮންޑާ ސައިކަލްގެ ރާއްޖޭގެ ސޯލް ޑިސްރިބިއުޓަރެވެ.