އެސްޓީއޯ ސުޕަމާޓުން ރޮބަޓް ލަންޗަން މީޓަށް ހާއްސަކޮށް ކޮންމެ އަހަރުގެ ރަމަޟާން މަހު ބާއްވާ ރޮބަޓް ރަމަޟާން ޕްރޮމޯޝަން ފަށައިފި އެވެ.
ޑެންމާކްގެ ބްރޭންޑެއް ކަމަށްވާ ރޮބަޓް ލަންޗަން މީޓްގެ ހާއްސަ މި ޕްރޮމޯޝަން ފެށީ މިދިޔަ ހޮނިހިރު ދުވަހު އެވެ. ޕްރޮމޯޝަން އަންނަ މަހުގެ ނިޔަލަށް ކުރިއަށް ދާނެ އެވެ.
އަގުހުރި އިނާމުތަކެއް ލިބިގެންދާ މި ޕްރޮމޯޝަންގައި ގަންނަ ކޮންމެ 100 ރުފިޔާއިން މަތީގެ ރޮބަޓް ވިޔަފާރިއަކަށް ކޫޕަނެއް ލިބޭނެ އެވެ.
އެއް ވަނަ، ދެ ވަނަ އަދި ތިން ވަނަ އަށް ހޮވޭ ފަރާތަކަށް އެއް އަހަރު ދުވަހު ހިލޭ އެސްޓީއޯ ސްޕަމާޓުން ވިޔަފާރި ކުރުމުގެ ފުރުސަތު ލިބޭނެ އެވެ.
އަދި އިތުރު 10 ނަސީބްވެރިންނަށް އަގު ހުރި އިނާމުތަކެއް ދިނުމަށް ހަމަޖެހިފައިވާ މި ފްރޮމޯޝަން ކުރިއަށްދަނީ އެސްޓީއޯ ސްޕަމާޓާއި އެސްޓީއޯ ރީޖަނަލް އައުޓްލެޓުތަކުގެ އިތުރުން ވީބީ މާޓް، މެގްނާ މާޓް، އީވްނިގް މާޓް، ސޮޕް އެންޑް ސޭލް އަދި އެމާ ފިހާރައިގައެވެ.