ގޭމް އޮފް ތްރޯންސްގެ ފަހު ސީސަން އަށް ކެތްމަދުވެފައި ތިބި ހުރިހާ އެންމެންނަށް ސީސަން ފިނާލޭ ރިލީޒް ކުރާނެ ތާރީހު ހާމަ ކޮށްފި އެވެ. އިންތިޒާރުގެ ނިމުން އޭޕްރީލް 14ގައި ފެންނާނެ އެވެ.
ތިން ކޮއިލުގެ ރަސްކަމުގެ ދަހިވެތި ކަމުގައި ބަޔަކު ކުރަމުންދާ ހަނގުރާމަ ދައްކުވައިދޭ އެޗްބީއޯގެ ފިލްމު ސީރީޒް "ގޭމް އޮފް ތުރޯންސް" އަށް ކުރެވޭ އިންތިޒާރު ކުރުކޮށްލާ މިއަދު ނެރުނު ޓީޒާގައި ފެންނަނީ ހުރިހާ ސްޓާކްސް އެއްތަންވާ ތަނެވެ. ހުރިހާ ހަގީގަތްތައް ހާމަވެ، ސްޓާކް ފެމިލީ އެއްކޮށް ވައިޓް ވޯކާސް އާ ކުރިމަތިލާ މަންޒަރު ފެނެ އެވެ.
މި ސީރީސްގެ 8 ވަނަ ސީޒަން ގެނެސްދޭ ތާރީހު އިއުލާންކޮށްފައި މި ވަނީ އޭގެ އިންތިޒާރުގައި ފޭނުން ތިބޭތާ ދުވަސްތަކެއް ފަހުންނެވެ. މިއީ ދިގު 6 ފިލްމުގެ ސީސަން އެއް ކަމަށް ސީރީޒްގެ ޓީމުން މީގެ ކުރިންވަނީ ބުނެފަ އެވެ.
"ގޭމް އޮފް ތުރޯންސް" އަކީ ޓީވީ ސިލްސިލާތަކުން ރާއްޖޭގައިވެސް އަދި ދުނިޔޭގެ އެހެން ގައުމުތަކުގައިވެސް އެންމެ ގިނަ ބަޔަކު ބަލާ އެއް ސީރީސް އެވެ. ސީސަން އަށަކުން ނިންމާލިއަސް މި ސީރީސްގެ ޕްރީކުއެލް އެއް ބެލުންތެރިންނަށް ގެނެސްދޭނެ ކަމަށް ބެލެވެ އެވެ.