އިމާރާތް ކުރުމުގެ ގަވާއިދުތަކަށް މަސީގެ ޕްރޮފެޝަނަލް ލަފާ ދެނީ

ރާއްޖޭގެ އިމާރާތް ކުރުމުގެ ދާއިރާއަށް ހާއްސަކޮށް ތައްޔާރު ކުރާ 13 ގަވާއިދަށް، މޯލްޑިވްސް ނޭޝަނަލް ކޮންސްޓްރަކްޝަން އެސޯސިއޭޝަން އޮފް މޯލްޑިވްސް (އެމްއެންއޭސީއައި) އިން ޕްރޮފެޝަނަލް އޮޕީނިއަން ދޭން ބައްދަލުވުމެއް ބާއްވައިފި އެވެ.

އިމާރާތް ކުރުމުގެ ދާއިރާގެ ގިނަ ކުންފުނިތަކެއް ތަމްސީލް ކުރާ ކުރީގެ އެސޯސިއޭޝަން އޮފް ކޮންޓްރަކްޝަން އިންޑަސްޓްރީ (މަސީ) އަދި މިހާރުގެ އެމްއެންއޭސީއެ ނައިބު ރައީސް އަދުނާން ހަލީމް ވިދާޅުވީ މިދިއަ ހޮނިހިރު ދުވަހު ބޭއްވި މި ބައްދަލުވުމުގައި އެ ޖަމިއްޔާގެ ކުންފުނިތަކުން 50 އަށްވުރެ ގިނަ މެންބަރުން ބައިވެރިވި ކަމަށެވެ.

"މި ބައްދަލުވުމުގެ މައިގަނޑު މަގުސަދަކީ އިމާރާތް ކުރުމުގެ ދާއިރާއަށް ތައްޔާރު ކުރާ ގަވާއިދުތަކަށް އަޅުގަނޑުމެންގެ ހިޔާލު ތައްޔާރު ކުރުން. މިއީ ވަރަށް ކާމިޔާުބު މަސައްކަތެއްގެ ގޮތުގައި މި ދިޔައީ،" އަދްނާން ވިދާޅުވި އެވެ.

ދަރުބާރުގޭގައި ކުރިއަށް ދިޔަ މި ބައްދަލުވުމުގައި ކޮންޓްރެކްޓަރުންނާއި އިންޖިނޭރުން އަދި އިމާރާތް ކުރެހުންތެރިންނާއި މި ނޫންވެސް މިދާއިރާގެ ޓެކްނިކަލް ބޭފުޅުން ބައިވެރި ވަޑައިގަތެވެ.

އެ ރަސްމިއްޔާތު ޝަރަފުވެރިކޮށް ދެއްވައި ފޯރަމްގެ ބައިވެރިންނަށް ސެޓްފިކެޓް ދެއްވީ މަސީގެ ކުރީގެ ރައީސް އަދި އޭޝިއަން އެންޑް ވެސްޓާން ޕެސިފިކް ކޮންޓްރެކްޓާސް އެސޯސިއޭޝަން (އިފޮޕްކާ) ގެ މިހާރުގެ ރައީސް މުހައްމަދު އަލީ ޖަނާހެވެ.

"އަޅުގަނޑުމެން މި މަސައްކަތް ފުރިހަމަކޮށް އިރާދަ ކުރެއްވިއްޔާ ހުރިހާ ޑްރާފްޓްތަކެއް ވެސް ހޯމަ ދުވަހު ސަރުކާރަށް ހުޅަހަޅާނަން،" އަދުނާން ވިދާޅުވި އެވެ.

އިމާރާތް ކުރުމުގެ ދާއިރާއަށް ކޮންމެހެން ބޭނުންވާ ގަވާދުތައް ހަދަން ސަރުކާރަށް މަޖުބޫރުވި މައިގަނޑު އެއް ސަބަބަކީ މި މަހުގެ ކުރީކޮޅު ރާއްޖޭގައި މަސައްކަތްކުރާ ބަންގްލަދޭޝަންގެ ރައްޔިތެއްގެ ކުޑަ ކުއްޖަކު މަރުވުމާއި ގުޅިގެންނެވެ. އެ މައްސަލަ ފެންމަތިވުމާއެކު، ސިވިލް ކޯޓުން ވަނީ އިމާރާތް ކުރުމުގެ ގާނޫނުގެ ދަށުން ހަދަން ޖެހޭ ގަވައިދުތައް ވަކި މުއްދަތެއްގެ ތެރޭގައި ހަދަން އަމުރުކޮށްފަ އެވެ.

މިގޮތުން ހަދަން ޖެހޭ ގަވާއިދުތައް:

އިމާރާތް ކުރުމުގެ ސަލާމަތީ ކަންތައް ވަރުގަދަ ކުރަން މަސައްކަތް ފަށާފައިވާއިރު، މަސީއިން މީގެ ކުރިން ވަނީ ބިލްޑިން ކޯޑެއް ތައްޔާރު ކޮށްނެރެފަ އެވެ.