ކުރިއަށް އޮތް ރައްޔިތުން މަޖިލީހުގެ އިންތިހާބަށް ކުރިމަތިލައްވާ ކެންޑިޑޭޓުން އެ ފަރާތްތަކުގެ ކެމްޕޭނަށާއި ޕްރޮމޯޝަންތައް ކުރިޔަށް ގެންދަން ހާއްސަ ފުރުސަތުތަކެއް "އަވަސް އޮންލައިން" މިއަދު ހުޅުވާލައިފި އެވެ.
މި ފުރުސަތުތަކާ ގުޅޭ ގޮތުން އަވަސްގެ މެނޭޖާ މާކެޓިން އެންޑް ސޭލްސް އާމިނަތު މުހައްމަދު މިއަދު ވިދާޅުވީ، 19 ވަނަ ރައްޔިތުންގެ މަޖިލީހަށް ކުރިމަތިލައްވާ ކެންޑިޑޭޓުން، އެ ފަރާތްތަކުގެ ސިޔާސަތުތަކާއި އަމިއްލަ ޝަހުސިއްޔަތު ދާއިރާގެ ރައްޔިތުންނަށް ބުނެދީ ޕްރޮމޯޓް ކުރެވޭނެ އިޝްތިހާރު ޕެކޭޖްތަކެއް އަވަސް އިން މިއަދު ތައާރަފު ކޮށް ޕެކޭޖްތައް ވިއްކަން ފަށާފައިވާ ކަމަށެވެ.
އާމިނަތު ވިދާޅުވީ، ކެންޑިޑޭޓުންނަށް ހާއްސަކޮށްފައިވާ ޕްރޮމޯޝަންގެ ޕެކެޖްތައް ހުންނާނީ އެކަށީގެންވާ އަގުތަކެއްގައި ކަމަށާއި ޕްރޮމޯޝަން ޕެކޭޖްތަކުގައި އާޓިކަލާއި ވީޑިއޯ އަދި މީޑިއާގެ އެހެން ވަސީލަތްތައް ބޭނުން ކޮށްގެން ކެންޑިޑޭޓުންގެ ޕްރޮމޯޓް ކުރެވޭނެ ގޮތްތައް ހިމަނާފައި ހުންނާނެ ކަމަށެވެ.
"މިއީ މަޖިލީހަށް ކުރިމަތިލައްވާފައިވާ ކެންޑިޑޭޓުންނަށް، ދާއިރާގެ ރައްޔިތުންނަށް އެ ބޭފުޅުންގެ ސިޔާސަތުތައް ވިދާޅުވެ ދެއްވުމަށާއި ޝަހުސިއްޔަތު ޕްރޮމޯޓް ކުރުމަށް ވަރަށް ރަނގަޅު ފުރުސަތެއް. އަޅުގަނޑުމެން ވަރަށް ފީސިބިލް އަގުތަކުގައި ބޮޑު އެކްސްޕޯޝާއެއް ދޭނަން،" އޭނާ ވިދާޅުވި އެވެ. "މީގެ އިތުރުން ހާއްސަ އިޝްތިހާރު ސްލޮޓްތައް ވެސް އަޅުގަނޑުމެންގެ ޕެކޭޖްގައި ހިމެނޭނެ،"
އަންނަ އޭޕްރީލް މަހު ބާއްވާ ރައްޔިތުންގެ މަޖިލީހުގެ އިންތިހާބާ ގުޅުވައި އަވަސްގެ ކަވަރޭޖް ކުރިއަށް ގެންދަނީ، "މަޖިލިސް 19" ގެ ނަމުގަ އެވެ. އެ ކަވަރޭޖްގެ ޓެގްލައިންއަކީ، "އަށްޑިހަ އަށްވަނަ ގޮނޑި | އަވަސް" އެވެ.
އެ އިންތިހާބުގެ ނަތީޖާ އަވަހަަށް އަދި ފުރިހަމައަށް ގެނެސް ދިނުމަށް، ކަވަރޭޖްގައި ހަރަކާތްތެރިވާނެ 300 ވޮލަންޓިއަރުން ހޯދުމަށް އަވަސް އިން ވަނީ މިހާރު އިއުލާން ކޮށްފަ އެވެ. މީގެ އިތުރުން ހާއްސަ އެޑިޝަން އާއި ފޭސްބުކް ލައިވް މެދުވެރިކޮށް، މަޖިލިސް އިންތިހާބުގެ އެންމެ ފަހުގެ މައުލޫމާތު ވެސް އަވަސް އިން ގެނެސްދޭނެ އެވެ.
އާމިނަތު ވިދާޅުވީ ހާއްސަ އެޑިޝަން މެދުވެރިކޮށް އިޝްތިހާރު ކުރުމުގެ ފުރުސަތު ވެސަް ވިޔަފާރިތަކަށް އޮންނާނެ ކަމަށެވެ. މި ކަމާ ގުޅޭ އިތުރު މައުލޫމާތު ހޯދަން ބޭނުންވާ ކެންޑިޑޭޓުންނާއި ކެންޑިޑޭޓުންގެ އިންތިހާބީ އެޖެންޑުންނާއި ކެންޑިޑޭޓުންނަށް ތާއީދު ކުރާ ފަރާތްތަކާއި ސިޔާސީ ޕާޓީތަކުން އަވަސްގެ އިލެކްޝަން ސެންޓަރު "އަށްޑިހަ އައްވަނަ ގޮނޑި | އަވަސް" ގެ ހޮޓްލައިން، 7824880 ގުޅުއްވުމުން ލިބޭނެ އެވެ. އަދި އަވަސްގެ އިލެކްޝަން ސެންޓަރަށް ވަޑައިގަތުމުން ވެސް މައުލޫމާތު ލިބި ވަޑައިގެންނަވާނެ އެވެ.