ދަރުމަވަންތަ ހޮސްޕިޓަލާ ދިމާލު މޫދުގައި އަނިޔާވެފައި އޮތް މީހާގެ ބޮލުގައި އުޅަނދަކުން ޖެހިފައިވާ ކަމަށް ފުލުހުން ބުނެފި އެވެ.
ފުލުހުން މީގެއިރުކޮޅެއް ކުރިން މި މައުލޫމާތު ހާމަކުރީ މި މީހާ މިއަދު މޫދުން ނަގައިގެން އިތުރު ފަރުވާއަށް އައިޖީއެމްއެޗަށް ގެންދިއުމަށްފަހު އެެވެ.
އައިޖީއެމްއެޗްގެ ޑޮކްޓަރުންނާ ހަވާލާދީ ފުލުހުން ބުނީ މޫދުން ފެނުނު މީހާގެ ބޮލަށް އަނިޔާވެފައިވާ ކަމަށާއި މި މީހާގެ ބޮލުގައި އުޅަނދަކުން ޖެހިފައިވާ ކަމަށެވެ.
އަނިޔާވެފައި އޮއްވާ ފެނުނު މީހާ މޫދުން ނަގާ މަންޒަރުގެ ވީޑިއޯ މިހާރު ވަނީ ސޯޝަލްމީޑިއާގައި އާންމުކޮށްފަ އެވެ. ވީޑިއޯ އިން ފެންނަ ގޮތުގައި އެމީހާ މޫދުން ނަގައިގެންދާއިރު އެއްވެސް ހަރަކާތެއް ނެތެވެ.
މޫދުގައި އޮއްވާ ފެނުނު ފިރިހެން މީހާގެ ސިއްހީ ހާލަތާ ގުޅޭ އިތުރު އެހެން މައުލޫމާތެއް ނުލިބެ އެވެ.