ދަރުމަވަންތަ ހޮސްޕިޓަލާ ދިމާލު މޫދުގައި އަނިޔާވެފައި އޮތް މީހާ މޫދުން ނަގައިގެން އައިޖީއެމްއެޗަށް ގެންގޮސް ފަރުވާ ދެމުން ދަނިކޮށް މަރުވެއްޖެ އެވެ.
މި މީހާގެ ހަށިގަނޑު މޫދުގައި އޮއްވާ ފެނުނީ މިއަދު 12:45 ހާއިރު އެވެ.
ފުލުހުން ބުނީ އެމީހާގެ ބޮލުގައި އުޅަނދަކުން ޖެހިފައިވާ ކަމަށް ޑޮކްޓަރުން މައުލޫމާތު ދީފައިވާ ކަމަށެވެ.
އައިޖީއެމްއެޗްގައި ފަރުވާ ދެމުން ދަނިކޮށް މަރުވީ އުމުރުން 55 އަހަރުގެ ފިރިހެނެކެވެ. މި މީހާގެ އިތުރު މައުލޫމާތެއް އަދި އެނގިފައެއް ނުވެ އެވެ.
ފުލުހުން އިތުރަށް ބުނީ މިމައްސަލަ ތަހުގީގު ކުރަމުންދާ ކަމަށެވެ.