އިޒްރޭލްގެ އިސްވެރިންގެ ޕާސްޕޯޓް މަނާކުރަން މޯލްޑިވްސް އެސޯސިއޭޝަން އޮފް ޓްރެވެލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ހުށަހަޅައިފި އެވެ.
އިޒްރޭލްގެ ޕާސްޕޯޓްގައި ރާއްޖެއަށް އެތެރެވުން މަނާކުރުމަށް ރާއްޖޭގެ އިމިގްރޭޝަންގެ ގާނޫނަށް ހުށަހެޅި އިސްލާހުގެ ބިލްގެ ދިރާސާކުރާ ރައްޔިތުންގެ މަޖިލީހުގެ ސަލާމަތީ ހިދުމަތްތަކާބެހޭ ކޮމިޓީ -- 241 ކޮމިޓީގައި މަޓާޓޯގެ ރައީސް އަބްދުﷲ ގިޔާސް ވިދާޅުވީ އިޒްރޭލްގެ ސަރުކާރާއި އިޒްރޭލްގެ އިސްވެރިންގެ ޕާސްޕޯޓް މަނާކުރަން ފެންނަ ކަމަށެވެ.
އިޒްރޭލް ޕާސްޕޯޓް މަނާކުރުމުގައި ޑުއަލް ޕާސްޕޯޓް ގެންގުޅޭ މީހުންނާމެދު ވިސްނަން ޖެހޭ ކަމަށާއި އެފަދަ އެ ނިންމުން ނިންމުމުގެ ކުރިން ރާއްޖެއަށް ދިމާވެދާނެ ހާލަތަކާ މެދު ފަރުވާތެރިވާން ޖެހޭ ކަމަށްވެސް ގިޔާސް ވިދާޅުވި އެވެ.
އިޒްރޭލު ޕާސްޕޯޓްގައި ރާއްޖެއަށް އައުން މަނާކުރުމަށް އިމިގްރޭޝަންގެ ގާނޫނަށް އިސްލާހު ގެނައުމަށް ހުށަހެޅުއްވީ ގަލޮޅު ދެކުނު ދާއިރާގެ މެންބަރު މީކާއީލް އަހުމަދު ނަސީމް އެވެ.
މީކާއީލް ހުށަހެޅުއްވި އިސްލާހުގައި ވަނީ އިޒްރޭލްގެ ޕާސްޕޯޓާއި އެހެން ގައުމެއްގެ ޕާސްޕޯޓެއް އޮތް ނަމަވެސް އިޒްރޭލް ޕާސްޕޯޓެއް ނަމަ ރާއްޖެ އެތެރެވުމުގެ ހުއްދަ ނެތް މީހެއްގެ ގޮތުގައި ކަނޑައެޅުމަށެވެ.
އެ ބިލް ދިރާސާކޮށް ގޮތެއް ނިންމަން މަޖިލީހުގެ 241 ކޮމިޓީއަށް ފޮނުވީ މިއަހަރުގެ ޖޫން 10 ވަނަ ދުވަހު އެވެ.