އެމެރިކާގެ ޑެޕިއުޓީ އެޓާނީ ޖެނަރަލް ރޮޑް ރޮޒެންސްޓައިން އިސްތިއުފާ ދެއްވައިފި އެވެ. އޭނާ ވަނީ އިސްތިއުފާގެ ސިޓީފުޅު ރައީސް ޑޮނަލްޑް ޓްރަމްޕަށް ހުށަހަޅުއްވާފަ އެވެ.
ރޮޒެންސްޓައިން މިދިޔަ ހޯމަ ދުވަހު ރައީސް ޓްރަމްޕަށް ފޮނުވާފައިވާ ސިޓީފުޅުގައި ވިދާޅުވަނީ އެޓާނީ ޖެނަރަލްގެ ޑިޕާޓްމަންޓުގައި އޭނާ މަސައްކަތް ކުރައްވެވި ދުވަސްތަކުގައި އަބަދުވެސް ހިޔާރު ކުރެއްވީ އެންމެ ފުރަތަމަ ގައުމު ކަމަށެވެ. އަދި އޭނާގެ ބެލުމުގެ ދަށުން އެ މުއައްސަސާގައި މަސައްކަތް ކުރަން ހިމަނާފައިވާނީ ވެސް ގައުމުދެކެ ލޯބިވާ ގައުމު ކުރިއެރުވުމަށް މަސައްކަތް ކުރައްވާނޭ ހީވާގި ބޭފުޅުން ކަމަށެވެ.
އެ ސިޓީފުޅުގައި ވާގޮތުގެ މަތިން ރޮޒަންސްޓައިން މަގާމުން ވަކިވެ ވަޑައިގަންނަވާނީ މޭ މަހުގެ 11 ވަނަ ދުވަހުގައި ކަމަށް އެޓާނީ ޖެނަރަލް ވިލިއަމް ބާ ވަނީ ކަށަވަރު ކޮށްދެއްވާފަ އެވެ.
ރައީސް ކަމަށް ޓްރަމްޕް ހޮވިވަޑައިގަތް 2015 ވަނަ އަހަރުގެ ރިޔާސީ ކެމްޕެއިންގައި ރަޝިއާގެ ނުފޫޒު އޮތް ކަމަށް ކުރެވުނު ތުހުމަތު ތަހުގީގު ކުރުމަށް އެފްބީއައިގެ ކުރީގެ ވެރިޔާ ރޮބަޓް މަލާ އައްޔަން ކުރެއްވި ރޮޒަންސަޓައިން މިދިޔަ މަހު މެދުތެރޭގައި އިސްތިއުފާ ދެއްވާނެ ކަމަށް ބެލެވުނު ނަމަވެސް، އޭނާ ވަނީ އެ ތަހުގީގު ނިމެންދެން މަޑު ކުރައްވާފަ އެވެ.