މިނިވަން 50 ދިމާކޮށް އެމްޓީސީސީ އިން ޖުމްހޫރީ މައިދާނުގައި ހެދި މިއުޒިކަލް ފައުންޓެއިން ހުޅުވާނީ ހަމައެކަނި ހުކުރު އަދި ހޮނިހިރު ދުވަހު ކަމަށް އެ ކުންފުނިން މިއަދު ހަމަޖައްސައިފި އެވެ.
* ހެނދުނު 7:30 އިން 10:30 އަށް.
* ހަވީރު 4:15 އިން 5:45 އަށް.
* ރޭގަނޑު 8:30 އިން 10:30 އަށް.
މިއުޒިކަލް ފައުންޓެއިން އަކީ ޖުމްހޫރީ މައިދާން ތަރައްގީ ކުރުމަށް ހިންގި މަޝްރޫއުގެ ދަށުން ހެދި ތަނެކެވެ. އެތަން ވަނީ މިނިވަން ދުވަހުގެ ހަރަކާތްތަކަށް ފަހު ބަންދުކޮށްފަ އެވެ. ނަމަވެސް އިއްޔެ އިން ފެށިގެން އެތަން ވަނީ އަނެއްކާ ވެސް ހުޅުވައިފަ އެވެ.
މިޔުޒިކާ އެއް ހަމަޔަކަށް ފެން އަރުވާ އެ ފެންވާރު ބަލައިލުމަށް އެތައް ބަޔަކު މީގެ ކުރިން އެއްވި އެވެ. އަދި އެތަނުގެ ތެރެަަށް ކުޑަކުދިން އެރުމުގެ ސަބަބުން ބައެއް ގެއްލުންތައް ލިބި އެތަން މަރާމާތު ކުރަން ޖެހުނެވެ.