ފަންނު އެކްސްޕޯގެ އެއްވަނަ މާލެ އަތޮޅަށް!

ފަންނު އެކްސްޕޯގެ މުޅި ރާއްޖޭން ހުށަހެޅި ހުރިހާ އުފެއްދުންތަކެއް ބަލިކޮށް، ގިނަ އެވޯޑުތަކާއެކު ކ. އަތޮޅު އެއްވަނަ ހޯދައިފި އެވެ.

އިކޮނޮމިކް މިނިސްޓްރީން އިންތިޒާމުކޮށްގެން، ދަރުބާރުގެ ސަރަހައްދުގައި ކުރިއަށްދާ ދިވެހި އުފެއްދުންތެރިކަމުގެ ގައުމީ މަރުރަޒުގެ ވާދަ ކުރުމުގެ ކެޓަގެރީގެ އަތޮޅުތަކުގެ ބައިއިން އެއްވަނަ ކ. އަތޮޅަށް ލިބިފައިވަނީ މި މައުރަޒުގެ އެންމެ މުހިންމު އެއް ބައި ކަމަށްވާ އަތްތެރި މަސައްކަތްތެރިކަމުގެ ގިންތި ތަކުން އެއްވަނަ ހޯދައިގެންނެވެ. މިއާއެކު މުޅި މައުރަޒުން އެއްވަނަ އަތޮޅެއްގެ ގޮތުގައި ވަނީ މާލެ އަތޮޅު ހޮވިފަ އެވެ.

ކ. އަތޮޅަށް ގިނަ ގިންތިތަކުންވެސް އެއްވަނަ ލިބިފައިވެ އެވެ. ދަނޑުވެރިކަމުގެ ގިންތިތަކާއި މަސްވެރިކަމުގެ ގިންތިއާއި އުފެއްދުންތެރި ކުރެހުމާއި ފަރުމާކުމާއި އިމާރާތް ކުރުމުގެ ގިންތި އަދި ޖުވެލަރީސްގެ ބަޔާއި އައިޓީގެ ބައިގެ އިތުރުން މެޝިނަރީ އެންޑް އިކްއިޕްމަންޓް ބައިން އެއްވަނަ ވެސް ހޯދާފައިވަނީ މާލެ އަތޮޅެވެ.

މާލެ އަތޮޅަށް ލިބުނު އެހެން ވަނަތަކުގެ ތެރޭގައި ފެޝަން ޑިޒައިން ބަޔާއި ބަހުގެ އުފެއްދުންތެރިކަމުގެ ގިންތިތަކުން އެއްވަނަ ހޯދުން ވެސް ހިމެނެ އެވެ.

އެއްވަނަ ހޯދި ފަރާތްތައް:

ދާއިރާތަކުގެ ބައިން އެއްވަނަ

ފަންނު އެކްސްޕޯގައި ހަ ދާއިރާއަކުން 14 ގިންތިއަކުން 350 މީހުން 30،000 ދިވެހި އުފެއްދުން ބައިވެރިކޮށްފައިވެ އެވެ. ފަންނު އެކްސްޕޯގެ އުފެއްދުންތައް ދައްކާލުން ކުރިއަށްދާނީ މާދަމާގެ ހަވީރު 16:00 އިން 23:00 އަށެވެ. އަދި އެހެން ދުވަސް ދުވަހުގެ 14:00 އިން 23:00 އަށެވެ.