ލ. ގަމުގައި ހުންނަ ހަމަދު ބިން ހަލީފާ އަލްސާނީ ސްކޫލް (ގަތަރު އަމީރު ސްކޫލް) ގެ ކްލާހެއްގެ ފަންކާއެއް ވެއްޓި ދަރިވަރުންތަކަކަށް އަނިޔާވެއްޖެ އެވެ.
އަވަސް އަށް މައުލޫމާތު ދެއްވަމުން އެޑިއުކޭޝަން މިނިސްޓްރީން ބުނީ އެފަދަ ހާދިސާއެއް ހިނގައިގެން އުޅޭ ކަމުގެ މައުލޫމާތު އެ މިނިސްޓްރީ އަށް ލިބިފައިވާ ކަމަށެވެ. އަދި އެ ހާދިސާގައި އަނިޔާވީ ވެއްޓުނު ފަންކާ އާ ދިމާއަށް ވާގޮތަށް ކްލާހުގައި ތިބި ދެ ދަރިވަރަކަށް ކަމަށެވެ.
އަދި ބުނީ އެ ދެ ދަރިވަރުންނަށް ލިބުނު އަނިޔާގެ ތަފްސީލެއް ނޭނގޭ ކަމަށާއި ނަމަވެސް އެ ދެ ދަރިވަރުންނަށް ލިބުނު ޒަހަމްތަކަށް ފަރުވާ ދިނުމަށްފަހު ގަމު ރީޖަނަލް ހޮސްޕިޓަލުން ދޫކޮށްލާފައިވާ ކަމަށެވެ.
ގަތަރު ސްކޫލްގައި ފަންކާ ވެއްޓުނީ ކީއްވެގެންތޯ ބަލާ ތަހުގީގެއް ވަނީ ފަށާފަ އެވެ.