ދިވެހިރާއްޖެ ސިއްހީ ކުއްލި ނުރައްކަލުގެ ހާލަތުގައި
NUMBER OF CASES
ކޮވިޑް-19

ހަތަރު ދިވެހިން ޕޮޒިޓިވްވެ އަދަދު 1094 އަށް

ކޮވިޑް-19 އަށް އިތުރު ހަތަރު ދިވެހިން ޕޮޒިޓްވެ ވެއްޖެ އެވެ. މި ހަތަރު ދިވެހިންނާއެކު މިރޭ ޕޮޒިޓިވްވީ މީހުންގެ އަދަދު ވަނީ 16 އަށް އަރާފައެވެ.

މިރޭ ކުރިން ޕޮޒިޓިވްވީ ބަންގަލްދޭޝްގެ ހަތަރު މީހުންނާއި ލަންކާ މީހެކެވެ އޭގެ ފަހުން ޕޮޒިޓިވްވީ ފަސް ދިވެހިންނާއި ބަންގަލްދޭޝް މީހެއްގެ އިތުރުން ލަންކާ މީހެކެވެ.

ރާއްޖެއިން ބަލި ޖެހުނު މީހުންގެ އަދަދު ވަނީ 1094 އަށް އަރާފަ އެވެ. ރާއްޖެއިން ބަލި ޖެހުނު މީހުންގެ ތެރެއިން މިހާތަނަށް ރަނގަޅުވީ މީހުންގެ އަދަދު ވަނީ 59 އަރާފައެވެ.

މިދިޔަ މަހުގެ 15 ގައި މާލެއިން ކޮވިޑްގެ ކޭސްތައް ފެންނަން ފެށި ފަހުން މިހާތަނަށް ކޮންމެ ދުވަހަކު ވެސް ގިނަ ބަޔަކު ޕޮޒިޓިވެފައި ވެއެވެ. އޭގެ ތެރޭގައި ގިނައީ ބިދޭސީންނެވެ. ސިއްހީ މާހިރުން ލަފާ ކުރައްވާ ގޮތުގައި މި ދެ ހަފުތާގައި މާލޭގެ ހާލަތު އިތުރަށް ގޯސް ވެދާނެ އެވެ.

ކޮވިޑް ޖެހިގެން ރާއްޖޭގައި މިހާތަނަށް ހަތަރު މީހަކު ވަނީ މަރުވެފަ އެވެ. އެއީ ތިން ދިވެހިންނާއި ބިދޭސީއެކެވެ.