ކޮވިޑް-19 އަށް ޕޮޒިޓިވްވި މީހަކު ފިލައިގެން އުޅެނިކޮށް މިއަދު ހައްޔަރުކޮށްފި އެވެ.
ފުލުހުން މިއަދު ބުނީ ކޮވިޑަށް ޕޮޒިޓިވްވި މީހަކު ފިލައިގެން އުޅެނިކޮށް އޭނާ ހޯދުމަށްފަހު ހައްޔަރު ކޮށްފައިވާ ކަމަށެވެ. އޭނާ ހޯދަން އާޓިފިޝަލް ބީޗް ސަރަހައްދަށް އެޗްޕީއޭގެ ޓީމާއެކު ފުލުހުން ދިއުމުން އެ ސަރަހައްދަށް ގިނަ އަދަދެއްގެ ބިދޭސީން ވަނީ އެއްވެފައެވެ.
ކޮވިޑް-19 އަށް ޕޮޒިޓިވްވި ފަހުން ފިލައިގެން އުޅެމުންދިޔައީވެސް ބިދޭސީއެކެވެ. މީގެ ކުރިންވެސް ބައެއް ބިދޭސީން ވަނީ ކޮވިޑަށް ޕޮޒިޓިވްވި ފަހުން ފިލައިގެން އުޅެފައެވެ.