ކޮވިޑް-19އާ ދެކޮޅަށް މަސައްކަތްކުރާ ހިދުމަތްތެރިންނަށް 150،000 ޑޮަލަރުގެ ސާމާނު އެމެރިކާއިން ހަދިޔާ ކޮށްފި އެވެ.
ރާއްޖެއަށް މިތަކެތި ހަދިޔާ ކޮށްފައިވަނީ ސްރީ ލަންކާ އާއި ދިވެހިރާއްޖެ އަށް އެމެރިކާއިން ކަނޑައަޅާފައި ހުންނަވާ ޑެޕިއުޓީ ޗީފް އޮފް މިޝަން އާއި ދިވެހިރާއްޖެއިން ސްރީލަންކާއަށް ކަނޑައިޅުއްވައިފައި ހުންނަވާ ހައިކޮމިޝަނަރު އުމަރު ރައްޒާގާ އެކު ބޭއްވި ބައްދަލު ކުރެއްވުމުގަ އެވެ.
ފޮރިން މިނިސްޓްރީން ބުނީ ޖުމުލަ އަގު 150,000 ޑޮލަރަށް އަރާ މިހިލޭއެހީއަކީ، ކޮވިޑް-19އާ ދެކޮޅަށް މަސައްކަތްކުރުމުގައި އެމެރިކާއިން ގެންގުޅޭ ބައިނަލްއަގުވާމީ އުސޫލު ކަމުގައިވާ "އޯލް އޮފް އެމެރިކާ" ގެ ރަމްޒެއް ކަމަށެވެ.
މިއީ އެމެރިކާއިން ރާއްޖެއަށް މިހާތަނަށް ހަދިޔާ ކުރި ތިންވަނަ ޕީޕީއީ ކިޓުތަކުގެ ހަދިޔާ އެވެ. މީގެ އިތުރުންވެސް އެމެރިކާއިން ވަނީ ރާއްޖޭގެ ކޮވިޑާ ގުޅޭ އެކި ދާއިރާތަކުގެ ބޭނުންތަކަށް ދެ މިލިއަން ޑޮލަރުގެ އެހީ ފޯރުކޮށްދީފަ އެވެ.