ރާއްޖޭގެ އެކި ހިސާބުތަކަށް ގުގުރުމާއެކު ބޯކޮށް ވާރޭވެހޭނެ ކަމަށް މޫސުމާބެހޭ އިދާާރާއިން ފޯކާސްޓްކޮށް ސަމާލުވާން އިލްތިމާސް ކޮށްފި އެވެ.
މުސޫމާބެހޭ އެ އިދާރާގެ ފޯކާސްޓްތައް ދައްކާ ގޮތުން ކުރިޔަށް އޮތް 24 ގަޑިއިރު ތެރޭގައި ރާއްޖޭގެ އެކިހިސާބަށް ވިއްސާރަ ކުރުމާއެކު ގުގުރާނެ އެވެ. ބައެއް ރަށްތަކަށް ބޯކޮށް ވާރޭވެހޭނެ އެވެ.
ދެކުނުގެ އަތޮޅުތަކަށް، އިރު ދެކުނާއި ދެކުނުން ގަޑިއަކު ފަސް މޭލާއި 11 މޭލާ ދެމެދުގެ ބާރުމިނުގައި ވައި ޖެހޭނެ އެވެ. އެހެން ހިސާބުތަކަށް ހުޅަނގުދެކުނާއި ހުޅަނގުން ގަޑިއަކު 13 މޭލާއި 23 މޭލާ ދެމެދުގެ ބާރުމިނުގައި ވައި ޖެހޭނެ އެވެ. ވިލާގަނޑުގައި ގަޑިއަކު ގާތްގަނޑަކަށް 45 މޭލުގެ ބާރުމިނަށް ވައިގަދަވާނެ އެވެ.
ރާއްޖޭގެ ދެކުނުގެ ކަނޑުތައް އާދައިގެވަރަކަށް މަޑުވެފައި ވިލާގަނޑުގައި ގަދަ ވާނެ އިރު ރާޅުގެ އުސްމިން ތިން ފޫޓާއ ފަސް ފޫޓަށް ދާނެ އެވެ. އަދި ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައެރާނެ ކަމަށް ވެސް އެ އިދާރާއިން ބުނެ އެވެ.