ވިއްސާރައިގައި ފެން ބޮޑުވެ މާލޭގެ ފަސް ގެއަކުން މީހުން ބަދަލުކުރުމުގެ މަސައްކަތް ކުރަމުންދާ ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.
އެންޑީއެމްއޭ އިން ބުނި ގޮތުގައި ވިއްސާރައިގައި މާލޭގެ މަގުތަކުގައި ފެން ބޮޑުވެ، ގެތަކަށް ފެން ވަނުމާއި ގުޅިގެން ފަސް ގެއަކުން މީހުން ވަނީ ބަދަލުކުރަން ޖެހިފަ އެވެ.
މޫސުމާބެހޭ ގައުމީ އިދާރާ -- މޯލްޑިވްސް މީޓިއޮރޮލޮޖިކަލް ސާވިސް (މެޓް އޮފީސް) އިން ހާމަކުރި ގޮތުގައި ފާއިތުވި 24 ގަޑިއިރުގެ ތެރޭގައި އެންމެ ގިނައިން ވާރޭ ވެހިފައިވަނީ މާލެއަށެެވެ.
މެޓް އޮފީހުން ހާމަކުރި ގޮތުގައި އިއްޔެ ހެނދުނު 8:00 އިން މިއަދު ހެނދުނު 8:00 އަށް މާލެއަށް 136.5 މިލިމީޓަރުގެ ވާރޭވެހިފައިވެ އެވެ.
ވާރޭވެހި މާލޭގައި ފެން ބޮޑުވުމުން ގެތަކާއި ފިހާރަތަކުގައި ވެލި ބަސްތާ ޖެހުމުގެ މަސައްކަތް އެމްއެންޑީއެފް އިން ދަނީ ކުރަމުންނެވެ.