މާލޭގައި ހަދަމުން ދިޔަ އިމާރާތެއްގެ މަތިން މީހަކު ވެއްޓި އަނިޔާ ވެއްޖެ އެވެ.
ފުލުހުން ބުނީ ފާމުދޭރީމަގުގައި ހަދަމުންދިޔަ އިމާރާތެއްގެ މަތިން މީހަކު ވެއްޓިފައިވާ ކަމަށެވެ. އެ މައުލޫމާތު ލިބުނީ މިއަދު މެންދުރު ފަހު 3:20 އެހާކަންހާއިރު ކަމަށެވެ.
އިމާރާތް މަތިން ވެއްޓިފައިވަނީ ބިދޭސީއެކެވެ. އޭނާއަށް މެޑިކަލް ހޮސްޕިޓަލަށް ގެންގޮސް މިހާރު ދަނީ ފަރުވާ ދެމުންނެވެ. އިމާރާތް މަތިން އެ މީހާ ވެއްޓުނު ވަގުތަކީ މާލެ ސިޓީއަށް ވަރަށް ބޯކޮށް ވާރޭވެހެމުންދިޔަ ވަގުތެކެވެ.