ރާއްޖެއަށް ގިނަ އަދަދެއްގެ މަސްތުވާތަކެތި އެތެރެކުރަން އުޅެނިކޮށް މިދިޔަ ހުކުރު ދުވަހު އަތުލައިގަތް ބްރެޒިލްގެ އަންހެން މީހާއަށް ގާނޫނީ އިންޒާރު، ގޫގަލް ޓްރާންސްލޭޓާ މެދުވެރިކޮށް ދީފި އެވެ.
ބްރެޒިލްގެ އުމުރުން 31 އަހަރުގެ މީހާގެ އަތުން އަތުލައިގަތް ތިން ކިލޯގެ ހެރޮއިންގެ އަގު 15 މިލިއަން ރުފިޔާއަށް ވުރެ ބޮޑެވެ.
އޭނާގެ ބަންދާ މެދެ ގޮތެއް ނިންމަން ކޯޓަށް ހާޒިރުކުރުމުން ފުލުހުން ބުނީ އަންހެން މީހާއަށް ގޫގުލް ޓްރާންސްލޭޓާ މެދުވެރިކޮށް ގާނޫނީ އިންޒާރު ދިނީ ޕޯޗުގީޒް އާއި ސްޕެނިޝް ނޫން ބަހެއް އޭނާ އަށް ނޭނގޭތީ ކަމަށެވެ.
އަންހެން މީހާއަށް އަދިވެސް ތަރުޖަމާނެއްވެސް ހަމަޖައްސައެއް ނުދެ އެވެ. އެހެންވެ އޭނާއަށް ބަންދުގެ މުއްދަތު އިތުރުކޮށް ދިނީވެސް އެންމެ ދެ ދުވަހަށެވެ.
އަދި އޭނާ ކޮވިޑަަށްވެސް ޓެސްޓްކޮށްފައި ނުވާތީ ބަންދުގެ އަޑު އެހުންވެސް ކުރިއަށް ގެންދިޔައީ އޮންލައިންކޮށެެވެ.
އަންހެން މީހާގެ އަތުން ކޮކެއިން ފެނުނީ އޭނާގެ ލަގެޖް ކަސްޓަމްސްއިން ފާސްކުރުމުގެ ތެރޭގަ އެވެ.