މި މަހުގެ ތެރޭގައި ކުދި އަދި މެދުފަންތިއަށް ހާއްސަކޮށްގެން އިތުރު ލޯނު ސްކީމެއް ތައާރަފު ކުރަނެ ކަމަށް އިކޮނޮމިކް މިނިސްޓްރީން ބުނެފި އެވެ.
އިކޮނޮމިކް މިނިސްޓްރީގެ ބިޒްނަސް ކޮންސަލްޓަންޓް އިބްރާހިމް ފިރުޝާން އެސްއެމްއީ ގާނޫނުގެ ދަށުން ދޫކުރަން ލާޒިމްކުރާ 50 މިލިއަން ރުފިޔާގެ ލޯނު ސްކީމެއް ދޫކުރަން ތައްޔާރުވަމުންދާ ކަމަށެވެ.
"ކުދި އަދި މެދުފަންތީގެ ގާނޫނުން ދޫކުރުމަށް ލާޒިމް ކުރާ 50 މިލިއަން ރުފިޔާގެ ލޯނު ސްކީމެއް މިއީ. މީގެ ތެރެއިން އެކި ގޮތް ގޮތައް ދޫކުރެވޭ. ނަމަވެސް ލުއި ލޯނު ސްކީމެއް ހިންގުމަށް ހަމަޖެހިފައިވަނީ، ލުއި ލޯނެއްގެ ގޮތުގައި،" ފިރުޝާން ވިދާޅުވި އެވެ.
ސަރުކާރުން ދަނީ ކުދި އަދި މެދުފަންތީގެ ވިޔަފާރިއަށް ހާއްސަކޮށްގެން ފައިނޭންޝަލް ގިނަ އިންސްޓްރޫމަންޓްތަކެއް ދޫކުރަމުންނެވެ. އެގޮތުން ޒުވާން ވިޔަފާރިވެރިން އުފެއްދުމަށް ގެޓްސެޓްގެ ނަމުގައި ލޯނު ސްކީމެއް ފަރުމާކޮށް މި ސްކީމުން 72 ފަރާތަކަށް 20 މިލިއަން ރުފިޔާގެ ދޫކޮށްފައިވެ އެވެ. މީގެ އިތުރުން އިސްލާމިކް ކްރެޑިޓް ސްކީމެއް ތައާރަފުކޮށް 30 މިލިއަން ރުފިޔާގެ ކްރެޑިޓް ފެސިލިޓީއެއް ދޫކުރުމަށް ދަނީ ތައްޔާރު ވަމުންނެވެ.