މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) އަށް ލޯ ފާމެއް ހޯދަން އިއުލާނުކޮށްފި އެވެ.
މިފްކޯ އިން ކުރި އިއުލާނުގައި ބުނީ އެ ކުންފުންޏަށް ބޭނުންވާ ގާނޫނީ މަސައްކަތް ކޮށްދޭނެ ލޯ ފާމެއް ހޯދަން ބޭނުންވާ ކަމަށެވެ.
އެ ލޯ ފާމުގެ މަސައްކަތްތަކުގެ ތެރޭގައި މިފްކޯ އިން ދައުވާ ކުރަން ފޮނުވާ އަދި މިފްކޯގެ މައްޗަށް ދައުވާ ލިބޭ މައްސަލަތައް ދިރާސާކޮށް ކޯޓުތަކާއި ޓްރައިބިއުނަލްތަކުގައި ކުންފުނީގެ ފަރާތުން ވަކާލާތު ކުރުމާއި ގާނޫނީ ގޮތުން ކުރަންޖެހޭ ކަންކަން ކުރުން ހިމެނެ އެވެ.
މިފްކޯގެ ފަރާތުން ހަދާ އުސޫލުތަކާއި އެއްބަސްވުންތައް ގާނޫނީ އޮނިގަނޑުގެ ތެރެއިން ބައްޓަންކުރުމުގައި ލަފާ ދިނުމާއި އުސޫލުތަކާއި އެއްބަސްވުންތައް ޑްރާފްޓްކުރުމަކީވެސް އެ ލޯ ފާމުން ކުރަންޖެހޭ ކަމެކެވެ.
މިކަމަށް ޝައުުގުވެރިވާ ފަރާތްތަކުން ބިޑް ހުށަހެޅުމުގެ ފުރުސަތު ވަނީ މިމަހުގެ 20 ވަނަ ދުވަހުގެ މެންދުރުފަހު 2:30 އާ ހަމައަށް ހުޅުވާލާފަ އެވެ.
މިފްކޯއަށް ލޯ ފާމެއް ހޯދަން އިއުލާނުކޮށްފައިވާއިރު ސަރުކާރުން މިހާރު ވަނީ މިފްކޯގެ ހާލަތު ރަނގަޅު ކުރުމަށްޓަކައި އެ ކުންފުނީގެ ސީއީއޯގެ މަގާމަށް ޔޫކްރޭން ރައްޔިތެއް ކަމަށްވާ ޑރ. ވިޓާލީ ލުބިމޮވް ހަމަޖަައްސާފަ އެވެ.