ދިރާގު "ރޯދަ ރެޑީ" އާއެކު ހާއްސަ އޮފާތަކެއް

ރޯދަ މަހަށް ތައްޔާރުވުމުގެ ގޮތުން ދިރާގުން "ރޯދަ ރެޑީ" ގެ ނަމުގައި ހާއްސަ އޮފާތަކެއް ތައާރަފްކޮށްފި އެވެ.

"ރޯދަ ރެޑީ" ގެ ދަށުން ދިރާގުން ވަނީ ދެ އޮފާއެއް ތައާރަފުކޮށްފަ އެވެ. މީގެ ތެރޭގައި ހިމެނެނީ ހިލޭ އުމްރާ ދަތުރު ލިބޭ އޮފާއެއްގެ އިތުރުން މިދިޔަ އަހަރު ތައާރަފުކުރި ރޯދަ ރެޑީ ޝޮޕިން ސްޕްރީ އެވެ.

ހިލޭ އުމްރާ ދަތުރު

ހިލޭ އުމްރާ ދަތުރު ލިބޭ މި އޮފާގައި ހަތަރު ނަސީބުވެރިން ހޮވާނެ ކަމަށް ދިރާގުން ވަނީ ބުނެފަ އެވެ. މި އުމްރާ ދަތުރު އޮންނާނީ މިއަހަރުގެ ޖުލައި 22 އިން އޮގަސްޓް މަހުގެ ހަ ވަނަ ދުވަހަށެވެ.

ދިރާގުން ބުނީ ދިރާގުގެ ލިމިޓެއްނެތް 30 އެމް އިން ފެށިގެން މަތީގެ ޕްލޭންތައް އެކްޓިވޭޓްކުރާ ކަސްޓަމަރުންނާއި ލިމިޓެއްނެތް 30 އެމް އިން ފެށިގެން މަތީގެ ޕްލޭންތަކަށް އަޕްގްރޭޑްކުރާ ކަސްޓަމަރުންގެ އިތުރުން ޕްރޮމޯޝަންގެ މުއްދަތުގައި ލިމިޓެއްނެތް 30 އެމް އިން ފެށިގެން މަތީގެ ޕްލޭންތަކުގައި ތިބި ކަސްޓަމަރުންނަށް މި ޕްރޮމޯޝަންގައި ބައިވެރިވެވޭނެ ކަމަށެވެ.

ރޯދަ ރެޑީ ޝޮޕިން ސްޕްރީ

ދިރާގުން މިދިޔަ އަހަރު ތައާރަފުކުރި ޝޮޕިން ސްޕްރީއަށް ލިބުނު ތަރުހީބާއެކު މި އަހަރުވެސް އެ އޮފާ ކުރިއަށް ގެންދަން ނިންމާފައިވާ ކަމަށް އެ ކުންފުނިން ވަނީ ބުނެފަ އެވެ.

ދިރާގުން ބުނި ގޮތުގައި މި އަހަރުގެ ޝޮޕިން ސްޕްރީ އޮފާ މާލޭގެ އިތުރުން ރީޖަންތަކުގެ ބޮޑެތި ފިހާރަތަކުގައި ކުރިއަށްދާނެ އެވެ.

ފިހާރައަކުން އެއް މިނެޓް ތެރޭގައި ނަގާ ހުރިހާ މުދަލެއް ހިލޭ ލިބޭ މި ހަރަކާތުގައި 10 ކަސްޓަމަރުންނަށް ބައިވެރިވެވޭނެ ކަމަށް ދިރާގުން ވަނީ ބުނެފަ އެވެ. މި 10 ކަސްޓަމަރުން ފެބްރުއަރީ މަހު ހޮވާނެ ކަމަށް ދިރާގުން ވަނީ ބުނެފަ އެވެ.

މި ޕްރޮމޯޝަންގެ ފުރުސަތު ލިބޭނީ ފެބްރުއަރީ 25 ވަނަ ދުވަހުގެ ކުރިން ދިރާގު ޕްރީޕެއިޑް، ޕޯސްޓްޕެއިޑް އަދި ފައިބާ ބްރޯޑްބޭންޑް ޕެކޭޖުތަކަށް ސަބްސްކްރައިބްކުރާ ކަސްޓަމަރުންނަށެވެ.

މި ޕްރޮމޯޝަންތަކުގެ އިތުރު މައުލޫމާތު ދިރާގު ވެބްސައިޓުން ލިބޭނެ އެވެ.

މީގެ އިތުރުން ރޯދަމަހަަށް ހާއްސަ އާ އޮފާތަކެއް ކުރިއަށް އޮތް ހަފުތާތަކުގެ ތެރޭގައި ލޯންޗުކުރާނެ ކަމަށްވެސް ދިރާގުން ވަނީ ބުނެފަ އެވެ.