ގިނަ ރަށަތަކެއްގެ ކައުންސިލް އިދާރާއަށް ސެކްރެޓަރީ ޖެނެރަލުން ހޯދަން ސިވިލް ސާވިސް ކޮމިޝަނުން އިއުލާނު ކޮށްފި އެވެ.
އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން ސިވިލް ސާވިސް ކޮމިޝަނުން އިއުލާނު ކޮށްފައި ވަނީ 74 ރަށެއްގެ ކައުންސިލްތަކަށް އެސްޖީން ހޯދުމަށެވެ.
ސިވިލް ސާވިސްގެ ގާނޫނު ބުނާ ގޮތުން ކައުންސިލް އިދާރާތަކުގެ ސިވިލް ސާވިސްގެ އެންމެ އިސް ވެރިއަކީ ސެކްރެޓަރީ ޖެނެރަލް އެވެ. އެ މަގާމުތަކަށް ކުރިމަތިލުމަށް ހުޅުވާލައިފައި ވަނީ އަންނަ މަހުގެ 11 ވަނަ ދުވަހުގެ ނިޔަލަށެވެ.
ކައުންސިލްތަކުގެ އެސްޖީގެ މަގާމަށް ކުރިމަތިލުމަށް ހުޅުވައިލުމުން 511 މީހަކު އެންމެ ފުރަތަމަ ކުރިމަތިލި ކަމަށް އެ ކޮމިޝަނުން ބުނެ އެވެ. ނަމަވެސް ނަންތައް ޝޯޓްލިސްޓް ކުރިއުރު ޝަރުތުހަމަވާ ތިބީ 272 މީހެކެވެ.
އެލަވަންސްތަކާ ލައިގެން އެސްޖީންގެ މުސާރައަކީ 16،100ރ. އެވެ. އެ މަގާމަށް މީހުން އައްޔަނުކުރާނީ ފަސް އަހަރުގެ ޓާމަކަށެވެ.
ކައުންްސިލްގެ ލަފާގެ މަތިން ކައުންސިލްގެ އިދާރީ އެންމެހާ ކަމެއް ހިންގައި ބެލެހެއްޓުމާއެކު މާލީ ޒިންމާދާރުވެރިޔާގެ މަސްއޫލިއްޔަތުވެސް އަސާސްތަކުން ޖެހެނީ ކައުންސިލްގެ ސެކްރެޓަރީ ޖެނެރަލް ކަމަށް ގާނޫނުގައިވެ އެވެ.