ހުޅުމާލޭގައި މީޑިއާތަކަށް ދޫކޮށްފައިވާ ބިންތައް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ނަގައިފި އެވެ.
އެޗްޑީސީން މިހެން ބުނެފައި މި ވަނީ މާމިގިލީ ދާއިރާގެ މެންބަރު ގާސިމް އިބްރާހިމްގެ މީޑިއާ ކުންފުނި އައިލެންޑް ބްރޯޑްކާސްޓިންގް ކޮމްޕެނީއަށް އަށް ހުުޅުމާލެ އިން ދޫކޮށްފައިވާ ބިން ނަގަން ނޯޓިސް ދީފި ކަމަށް ބުނެފައި ވަނިކޮށެވެ.
އެޗްޑީސީގެ މެނޭޖިންގް ޑިރެކްޓަރު ސުހެއިލް އަހުމަދު މިއަދު ވިދާޅުވީ ހުޅުމާލޭގެ ވަކި ސަރަހައްދެއްގައި މީޑިއާތައް ތަރައްގީ ކުރުމަށް 2010 ވަނަ އަހަރު ބިންތަކެއް ދޫކުރި ނަމަވެސް އެ ބިންތަކުގައި އެދެވޭ މަސައްކަތްތައް ކުރެވެމުން ނުދާތީ އެ ބިންތައް އެޗްޑީސީއަށް ނެގީ ކަމަށެވެ.
"އެއީ [ބިންތައް] އެއީ މީޑިއާތައް ތަރައްގީ ކުރުމަށް ދޫކުރި ބިންތަކެއް. ނަމަވެސް އެ ބިންތަކުގައި އެދެވޭ މަސައްކަތެއް ކުރެވެމުން ނުދާތީ އެ ބިންތައް އަޅުގަނޑުމެން ނެގީ،" ސުހެއިލް ވިދާޅުވި
އައިލެންޑް ބްރޯޑްކާސްޓިންގެ އިތުރުން އެހެން ބައެއް މީޑިއާ ކުންފުނިތަކަށް ވެސް ހުޅުމާލެ އިން ބިން ދޫކޮށްފައިވެ އެވެ. ސުހައިލް ވިދާޅުވީ ބިން ނަގާފައިވާ މީޑިއާތަކުގެ ތެރެއިން އެދެވޭ ގޮތަށް އެ ބިމުގައި ތަރައްގީ ނުކުރާ ހުރިހާ ބިންތަކެއް ވެސް ނަގަން ނޯޓިސް ދީފައިވާ ކަމަށެވެ.