ބޭންކް އޮޕް މޯލްޑިވްސްގެ ބްރާންޗްތަކާއި ސާވިސް ސެންޓަރުތައް ތިން ދުވަހަށް ބަންދުކުރަން ނިންމައިފި އެވެ.
ބީއެމްއެލްގެ ބްރާންޗްތަކާއި ސާވިސް ސެންޓަރުތައް ބަންދުވާނީ މި މަހުގެ 30 ވަނަ ދުވަހުން ފެށިގެން އަންނަ މަހުގެ ދެވަނަ ދުވަހުގެ ނިޔަލަށެވެ.
ބޭންކުން ބުނީ އެ ތަންތަން ބަންދުކުރަނީ އައު އަހަރާއި ދިމާކޮށް ޗުއްޓީއަށް ކަމަށެވެ. އަދި އަހަރީ ހިސާބުތައް ނިންމުމަށް ކަމަށެވެ.
އެ މުއްދަތުގައި މޯބައިލް އަދި އިންޓަނެޓް ބޭންކިން އާއި ސެލްފް ސާވިސް އޭޓީއެމް މެދުވެރިކޮށް ހިދުމަތްތައް ހޯދޭނެ ކަމަށް ބީއެމްއެލްއިން ބުނެ އެވެ. އަދި ބޭންކުގެ ކޮންޓެކްޓް ސެންޓަރުގެ 3330200 ނަންބަރުން ކަސްޓަމަރުންނަށް އެހީތެރިކަން ލިބޭނެ ކަމަށެވެ.
