ރަމަޟާން މަހާއި ޝައްވާލް މަހުގެ ފުރަތަމަ ހަތް ދުވަހުގެ ރަސްމީ ގަޑި ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ކަނޑައަޅުއްވައިފި އެވެ.
ރައީސް އޮފީހުން މިއަދު ބުނީ ރަމަޟާން މަހުގެ ރަސްމީ ގަޑިއަކީ ހެނދުނު 9:00 އިން މެންދުރުފަހު 1:00 ކަމަށެވެ.
ރަމަޟާން މަހުގެ ދުވަސްތަކުގައި ކަނޑައަޅާފައިވާ ރަސްމީ ވަގުތުގެ ތެރޭގައި މަސައްކަތްތައް ރާވައިގެން ކުރިއަށް ގެންދިއުމަށް ސަމާލުކަން ދިނުމަށްވެސް ރައީސް އޮފީހުން ވަނީ އޮފީސްތަކަށް އަންގާފަ އެވެ.
ރާއްޖޭގައި ރަމަޟާން މަހުގެ ރަސްމީ ވަގުތު ކަނޑައަޅަނީ އަބަދުވެސް އާންމު ދުވަސްތަކަށްވުރެ މަދު ވަގުތު މަސައްކަތް ކުރާ ގޮތަށެވެ.
އިސްލާމިކް މިނިސްޓްރީން ތައްޔާރުކޮށްފައިވާ ކަލަންޑަރުގައިވާ ގޮތުން މިއަހަރުގެ ރަމަޟާން މަހުގެ ފުރަތަމަ ދުވަހަކީ އަންނަ މަހުގެ ދެވަނަ ދުވަހު އެވެ.