ރާއްޖޭގައި އިއްޔެ ފެށި އޭވީސީ ބީޗް ވޮލީބޯޅަ މުބާރާތުގައި ރާއްޖެ ކުޅުނު ފުރަތަމަ މެޗުގައި ބަންގްލަދޭޝް އަތުން ރާއްޖެ އިއްޔެ މޮޅުވެއްޖެ އެވެ.
ދޮންގަނޑު ބީޗް ވޮލީބޯޅަ ކޯޓުގައި އިއްޔެ ފެށި މުބާރާުތުގެ ފުރަަތަމަ މެޗުގައި ބަންގްލަދޭޝްގެ ފުރަތަމަ ޕެއާ ކަމަށްވާ ޒަބީރު އާއި ރަހުމާން އަތުން ރާއްޖޭގެ ފުރަތަމަ ޕެއާ ކަމަށްވާ ޝިއުނާޒް އަބްދުލް ވާހިދު އަދި އަހުމަދު އަނިލް ނަސީރު މޮޅުވީ 18-21، 21-17 އަދި 15-11 އިންނެވެ.
ދެވަނަ މެޗުގައި ބަންގްލަދޭޝްގެ ދެވަނަ ޕެއާ ކަމަށްވާ އަހުމަދާއި ދެބްނަތު ބަންޒް އަތުން ރާއްޖޭގެ ދެވަނަ ޕެއާ ކަމަށްވާ އިސްމާއިލް ސާޖިދު (ކުޑަކާއްޓޭ) އަދި އަޝްފާގް އާދަމް (އައްކަޅޭ) މޮޅުވީ 21-10 އަދި 21-16 އިންނެވެ.
ހަ ގައުމު ވާދަކުރާ މުބާރާތުގެ ގުރޫޕް ބީގައި ރާއްޖެ އާއި ބަންގްލަދޭޝްއާއެކު ދެން އޮތީ އަފްގާނިސްތާނެވެ. މި މުބާރާތުގައި ރާއްޖެ ކުޅޭ ދެވަަނަ މެޗުގައި ބުދަ ދުވަހު ނުކުންނާނީ އަފްގާނިސްތާނާ ދެކޮޅަށެވެ.
މި މުބާރާތުގެ ގުރޫޕް ބީގައި އޮތީ އިންޑިއާ އާއި ނޭޕާލް އަދި ޕާކިސްތާނެވެ.
މި މުބާރާތުގައި ރޭ ޕާކިސްތާން އަތުން އިންޑިއާ ވަނީ މޮޅުވެފަ އެވެ.
މި މުބާރާތުގައި މިއަދު ހަވީރު ކުޅޭ މެޗުގައި ބައްދަލުކުރާނީ ބަންގްލަދޭޝް އާޢި އަފްގާނިސްތާނެވެ. މި މުބާރާތުގައި މިރޭ ކުޅޭ މެޗުގައި ބައްދަލުކުރާނީ ނޭޕާލް އާއި ޕާކިސްތާނެވެ.
މި މުބާރާތުގެ އަންހެން ބައިގައި ވާޑަކުރަނީ ރާއްޖެ އާޢި ނޭޕާލް އެކަންޏެވެ. އަންހެން ޑިވިޝަންގެ މެޗު އޮންނާނީ ބުރާސްފަތި ދުވަހު އެވެ. ރާއްޖޭގެ އަންހެން ޓީމުގައި ހިމެނެނީ އައިމިނަތު އަރީޝާ އާއި އައިމިނަތު ރާޝިދާ އާއި އައިޝަތު ޝައްފަ އަދި ޖޫޒާން ޒަރީރެވެ.