ރާއްޖޭގެ އެންމެ ބޮޑު އެއް ޓެލެކޮމް ކުންފުނި ކަމަށްވާ ދިރާގުގެ ޗީފް ޓެކްނޮލޮޖީ އިންފޮމޭޝަން އޮފިސަރު (ސީޓީއައިއޯ) ގެ މަގާމަށް މުހައްމަދު މުސްޢަދު ހަމަޖައްސައިފި އެވެ.
މިހާރު ވެސް ދިރާގުގައި ހިދުމަތް ކުރައްވަމުން ގެންދާ މުސްޢަދު ސީޓީއައިއޯގެ މަގާމަށް ހަމަޖެއްސިކަން އަންގައި އެ ކުންފުނިން ބުނީ އޭނާގެ ޒިންމާގެ ތެރޭގައި ހިމެނެނީ އިންފޮމޭޝަން ސިސްޓަމް މެނޭޖު ކުރުމާއި ސައިބަ ސެކިއުރިޓީ އާއި ޑިޖިޓަލް ޓްރާންސްފޮމޭޝަން ފަދަ ދާއިރާތަކެވެ.
ޗާޓެޑް އިންޖިނިއަރެއް ކަމަށްވާ މުސްޢަދުއަކީ މި ދާއިރާގެ ތަޖުރިބާކާރެވެ. ޓެލެކޮމް ކުންފުނިތަކުގައި ޓެކްނިކަލް އެކްސްޕަޓީސް ދިނުމުގައި 23 އަހަރުގެ ތަޖުރިބާ ހާސިލްކޮށްފައިވެ އެވެ.
ނިއުޒީލެންޑާއި އޮސްޓްރިއާ އަދި އިނގިރޭސިވިލާތުން މަތީ ތައުލީމް ހާސިލް ކުރައްވައިގެން ހުންނެވި މުސްޢަދު އިންފޮމޭޝަން ސިސްޓަމް އިންޖިނިއަރިން އިން މާސްޓާގެ އިތުރުން އެމްބީއޭ އާއި ބެޗްލާ އޮފް އިންޖިއަރިން އެންޑް މޮބައިލް ޓެކްނޮލޮޖީގެ ދާއިރާއިންވެސް ކިޔަވާ ވިދާޅުވެފަ އެވެ.