ވާކް ވީޒާ އާއި ބިޒްނަސް ވީޒާ ފިޔަވައި އެހެނިހެން ވީޒާއަ ށް އެދި ހުށަހަޅާއިރު އަދި ވީޒާ މުއްދަތު ހަމަވެގެން މުއްދަތު އިތުރުކުރުމަށް ހުށަހަޅާއިރު ހެލްތް އިންސުއަރެންސް ޕޮލިސީ އަދި މެޑިކަލް ރިޕޯޓް ހުށައަޅަން ޖެހޭ ގޮތަށް ހަމަޖައްސައިފި އެވެ.
މޯލްޑިވްސް އިމިގްރޭޝަނުން ބުނީ މެއި 31 ގެ ފަހުން ވާކް ވީޒާ އާއި ބިޒްނަސް ވީޒާ ފިޔަވައި އެހެނިހެން ވީޒާއަ ށް އެދި ހުށަހަޅާއިރު އަދި ވީޒާ މުއްދަތު ހަމަވެގެން މުއްދަތު އިތުރުކުރުމަށް ހުށަހަޅާއިރު މިނިސްޓްރީ އޮފް ހެލްތް އިން ބިދޭސީންގެ މެޑިކަލް ހެއްދުމަށް ހުއްދަދީފައިވާ ހޮސްޕިޓަލް/ކްލިނިކް އަކުން ހަދާފައިވާ މެޑިކަލް ރިޕޯޓް ހުށައަޅަން ޖެހޭނެ ކަމަށެވެ. އަދި ރާއްޖޭގައި އިންސުއަރެންގެ ހިދުމަތް ފޯރުކޮށްދޭ ކުންފުނިތަކުގެ ތެރެއިން ކުންފުންޏެއްގެ "އެކްސްޕެޓްރިއޭޓް ހެލްތް އިންޝުއަރަންސް ޕޮލިސީ" ގައި ބިދޭސީ މީހާ ބައިވެރިވެފައިކަމުގެ ލިޔުން ހުށައަޅަން ޖެހޭ ކަމަށެވެ.
އަދި އެހެނިހެން ވިޒާގެ ތަކުގެ ތެރެއިން ޓޫރިސްޓް ވީޒާ ގެ މުއްދަތު އިތުރު ކުރުމަށް ހުށަހަޅާއިރު އާއި ސްޕޮންސާޝިޕް ޑިކްލަރޭޝަން ހުށަހަޅާއިރު އެ ލިއުންތައް ހުށަހަޅަން ނުޖެހޭނެ ކަމަށެވެ.
ވާކް ވީޒާ އާއި ބިޒްނަސް ވީޒާ ފިޔަވައި އެހެނިހެން ވީޒާއަ ށް އެދި ހުށަހަޅާއިރު އަދި ވީޒާ މުއްދަތު ހަމަވެގެން މުއްދަތު އިތުރުކުރުމަށް ހުށަހަޅާއިރު ހެލްތް އިންސުއަރެންސް ޕޮލިސީ އަދި މެޑިކަލް ރިޕޯޓް ހުށައަޅަން ޖެހޭ ގޮތަށް ހަމަޖައްސާފައި މިވަނީ "މަކުނު ވިދުރި" ގެ ނުރައްކާ ބޮޑުވެފައި ވަނިކޮށެވެ. ހެލްތް އިންސުއަރެންސް ޕޮލިސީ އަދި މެޑިކަލް ރިޕޯޓް ހުށައަޅަން ނުޖެހޭ ގޮތަށް މިހާރު އޮތް އޮތުމާއިމެދު އެތައް ބަޔަކު ދިޔައީ ކަންބޮޑުވުން ފާޅުކުރަމުންނެވެ. އެކަމާއި ގުޅިގެން އަވަސް އިން ވަނީ މެޑިކަލް ރިޕޯޓް ހުށައަޅަން ޖެހޭ ގޮތަށް އޮތް އޮތުން ބަދަލު ކުރި ސަބަބާއި ގުޅޭގޮތުން ޖަވާބު ހޯދުމަށް އިމިގްރޭޝަނަށް ލިޔުމުންވެސް ހުށައަޅާފައެވެ.