ސޯސަންމަގުގައި ހުރި ގެޔެއްގައި އަލިފާން ރޯވެ މީހަކަށް އަނިޔާ ވެއްޖެ އެވެ. އެމްއެންޑީއެފްގެ އިންފޮމޭޝަން އޮފިސަރު މޭޖާ އަދުނާން މުހައްމަދު ވިދާޅުވީ މިރޭ 8:40 އެހާކަންހާ އިރު ހ. ބޮނޑިބަތްގޭގެ ދެނަވަ ފަންގިފިލާގައި ހުރި އެޕާޓްމަންޓްގައި އަލިފާން ރޯވި ކަމަށެވެ.
އޭނާ ވިދާޅުވީ އެ ހާދިސާ ހިނގުމާއެކު އެމްއެންޑީއެފްގެ ފަޔާ އެންޑް ރެސްކިއު އިން އެސަރަހައްދުގައި ހަރަކާތްތެރިވެ ގަޑިއެއްހާއިރުގެ ތެރޭގައި އަލިފާންގަނޑު އެކީ ނިއްވާލާފަވާ ކަމަށެވެ.
ރޯވުމުގެ ސަބަަބުން އެޕާޓްމަންޓުގައި ހުރި ތަކެތީގައި އެކީ އަނދައި ހަލާކުވެފައިވާ އިރު މި ހާދިސާގައި މީހަކަށް ކޮންމެވެސް ވަރެއްގެ ގެއްލުންތަކެއް ލިބުނެވެ. އޭނާއަށް ވަނީ އޭޑީކޭގައި ފަރުވާދީފަ އެވެ. އޭނާއަށް ލިބުނު ގެއްލުން މުޅިން ސާފެއް ނުވެއެވެ.
އަދްނާން ވިދާޅުވީ މިހާދިސާ ދިމާވާން މެދުވެރިވީ ކޮން ސަބަބެއްކަން އަދި މިހާތަނަށް އެނގިފައި ނުވާ ކަމަށާއި ނަމަވެސް މިހާރު މައްސަލަ ބަލައި ތަހުގީގު ކުރަމުން އަންނަ ކަމަށެވެ.