މުންނާރުގެ އާބާތުރު ފިލުވުމުގެ މަސައްކަތްތައް މިއަދު ނިންމާލެވޭނެ ކަމަށް ހެރިޓޭޖް ޑިޕާޓްމެންޓުން ބުނެފި އެވެ.
"އަވަސް" އަށް މައުލޫމާތު ދެއްވަމުން އެ ޑިޕާޓްމެންގެ ޑިރެކްޓާ ޖެނެރަލް އަލީ ވަހީދު ވިދާޅުވީ އާބާތުރަ ފިލުވުމުގެ ގޮތުން ފެން ޖަހާ އުވަ ޖެހުމުގެ އިތުރުން ކުލަ ލުމުގެ މަސައްކަތްތައް މިއަދު ނިންމާލެވޭނެ ކަމަށެވެ. ނަމަވެސް މުންނާރުގެ އެތެރޭގައި ކުރަން ހުރި ބައެއް މަސައްކަތްތައް ނިންމާލުމަށް މަހެއްހާ ދުވަސް ނަގާނެ ކަމަށް އޭނާ ވިދާޅުވި އެވެ.
"އަޅުގަނޑުމެން މި ބަލަނީ މުންނާރުގެ ބޭރުގަ ކުރަން ހުރި ހުރިހާ ކަމެއް މިއަދަށް ނިންމާލެވޭނެ ކަމަށް. އެކަމަކު އެތެރޭގަ ކުރަން ހުރި މަސައްކަތްތައް ނިންމާލެވޭނީ މަހެއްހާ ދުވަސް ތެރޭ،" އޭނާ ވިދާޅުވި އެވެ.
އޭނާ ވިދާޅުވީ މުންނާރު ދޮވެ ސާފުކުރުމުގެ މަސައްކަތުގެ ތެރެއިން ހައި ޕްރެޝަރުގައި ފެން ޖަހާ އުވަ ނެއްޓުމުގެ މަަސައްކަތް ކޮށްފައިވަނީ އާރްކޭއެލް އިން ކަަމަށެވެ. އަދި ކުލަ ލުމުގެ ކަންކަން ކޮށްފައި ވަނީ އެސްޓީއޯއިން ކަމަށް ވެސް އޭނާ ވިދާޅުވި އެވެ.