މީހެއްގެ އައިޑީކާޑު ފޭރުނު މީހަކު ދެ އަހަރަށް ޖަލަށް

މީހެއްގެ އައިޑީކާޑު ފޭރުނު މީހަކު ދެ އަހަރަށް ޖަލަށް ލާން ހުކުމްކޮށްފި އެވެ.  

ކްރިމިނަލް ކޯޓުން މި ހުކުމް ކޮށްފައިވަނީ ހއ. ބާރަށް، ބޮޑުކުންނާރުގެ، ހުސައިން ސޮލާހު އަބްދުލްހާދީ 26، ގެ މައްޗަށެވެ.

އޭނަގެ  މައްޗަށް ފޭރުމުގެ ކުށުގެ ދަޢުވާ އުފުލާފައިވަނީ، ސެޕްޓެމްބަރު 30، 2010 ތެލެސީމިއާ ސެންޓަރު ކުރިމަތީ މީހަކަށް ބިރުދައްކައިގެން ފޭރެން އުޅޭކަމުގެ މަޢުލޫމާތު ލިބުމާ ގުޅިގެން ފުލުހުން އެ ސަރަހައްދަށް ދިޔަ އިރު އެމީހާގެ އައިޑީ ކާޑާއި 120ރ. ފޭރިގެންފައިވާކަމަށް ފުލުހުން ގާތު ބުނުމުން، ހައްޔަރުކޮށް ބަލައި ފާސްކުރިއިރު އޭނާ ލައިގެން ހުރި ފަޓުލޫނުގެ ޖީބުން އައިޑީކާޑާއި ފައިސާތައް ފެނިފައިވާ މައްސަލައާ ގުޅިގެންނެވެ.