އޭޝިއާ ސަރަހައްދުގެ އެންމެ ފުރިހަމަ ރަށުގެ އެވޯޑް -- ބެސްޓް އައިލެންޑް އިން އޭޝިއާ އެވޯޑު ރާއްޖެއަށް ލިބިއްޖެ އެވެ.
ވޯލްޑް ބެސްޓް އެވޯޑްސްގެ ނަމުގައި ކުރިއަށް ގެންދާ އެވޯޑް ރަސްމިއްޔާތު އިންތިޒާމު ކުރަނީ ދުނިޔޭގެ މަޝްހޫރު މަޖައްލާއެއް ކަމުގައިވާ "ޓްރެވެލް ޕްލަސް ލެޝާ"ގެ ފަރާތުންނެވެ.
އެމެރިކާގެ ނިއުޔޯކްގައި މިދިޔަ ބުދަ ދުވަހު އޮތް ރަސްމިއްޔާތެއްގައި އެވޯޑާ ހަވާލުވެވަޑައިގަތީ ރާއްޖެއިން އެމެރިކާއަށް ކަނޑައަޅާފައި ހުންނަވާ ސަފީރު ތިލްމީޒާ ހުސައިނެވެ.
ވޯލްޑް ބެސްޓް އެވޯޑްސްގައި ހިމެނޭ އެވޯޑްތަކަށް ހޮވޭ ފަރާތްތައް ކަނޑައަޅަނީ ކިޔުންތެރިންގެ ސާވޭއާއިި ވޯޓުންނެވެ.
ބެސްޓް އައިލެންޑް އިން އޭޝިއާ އެވޯޑުގެ ދެވަނަ ވެސް ރާއްޖެއަށް ލިބިފައިވާއިރު ތިންވަނަ ހޯދާފައިވަނީ ތައިލެންޑެވެ.
ޓްރެވެލް ޕްލަސް ލެޝާ މަޖައްލާ އަކީ ދުނިޔޭގެ އެންމެ މަގުބޫލް މަންޒިލްތަކާ ގުޅޭ ހަބަރު ގެނެސްދޭ މަޖައްލާ އެކެވެ.