ރާއްޖެއަށް މިއަހަރުގެ ފުރަތަމަ ހަތަރު ދުވަހުގެ ތެރޭގައި ޒިޔާރަތްކުރި ފަތުރުވެރިންގެ އަދަދު މިދިޔަ އަހަރުގެ މި މުއްދަތަށްވުރެ 11 ޕަސެންޓް އިތުރުވެއްޖެ އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މި އަހަރުގެ ފުރަތަމަ ހަތަރު ދުވަހުގެ ތެރޭގައި 25،076 ފަތުރުވެރިން ރާއްޖެ އައިސްފައިވެ އެވެ.
މިއީ މިދިޔަ އަހަރުގެ މި މުއްދަތުގައި ޒިޔާރަތްކުރި 22،551 ފަތުރުވެރިންނަށްވުރެ 2،525 ފަތުރުވެރިން އިތުރުވުމެކެވެ.
ރާއްޖެއަށް މިހާރު އެވަރެޖްކޮށް ދުވާލަކު 6،269 ފަތުރުވެރިން ޒިޔާރަތްކުރެ އެވެ.
ފަތުރުވެރިކަމުގެ ގަދަ 10 ގައުމު
- ރަޝިއާ - 5،072 ފަތުރުވެރިން
- އިޓަލީ - 4،142 ފަތުރުވެރިން
- އިނގިރޭސިވިލާތް - 1،722 ފަތުރުވެރިން
- ޖަރުމަނު - 1،440 ފަތުރުވެރިން
- އިންޑިއާ - 904 ފަތުރުވެރިން
- އެމެރިކާ - 805 ފަތުރުވެރިން
- ރޯމޭނިއާ - 724 ފަތުރުވެރިން
- ކަޒަކިސްތާން - 708 ފަތުރުވެރިން
- ޗައިނާ - 651 ފަތުރުވެރިން
- ޕޮލެންޑް - 515 ފަތުރުވެރިން
ރާއްޖެއަށް މިއަހަރު ޒިޔާރަތްކުރި ފަތުރުވެރިންގެ ތެރެއިން 17،781 ފަތުރުވެރިން -- 70.9 ޕަސެންޓް ޗުއްޓީ ހޭދަކުރީ ރިސޯޓްތަކުގަ އެވެ.
ގެސްޓްހައުސްތަކުގައި 5،952 ފަތުރުވެރިން - 23.7 ޕަސެންޓް ޗުއްޓީ ހޭދަކުރިއިރު 710 ފަތުރުވެރިން ޗުއްޓީ ހޭދަކުރީ ހޮޓާތަކުގަ އެވެ. އަދި 633 ފަތުރުވެރިން ޗުއްޓީ ހޭދަކުރީ ސަފާރީ އުޅަނދުތަކުގަ އެވެ.
ފަތުރުވެރިކަމަށް މިވަގުތު ރާއްޖޭގައި 172 ރިސޯޓާއި 929 ގެސްޓްހައުސްގެ އިތުރުން 155 ސަފާރީ އަދި 15 ހޮޓާ ދަނީ ހިންގަމުންނެވެ.