ރާއްޖެއަށް މި އަހަރު ޒިޔާރަތްކުރި ފުރަތަމަ ފަތުރުވެރިޔަކަށް ސްޕެއިންގެ ލުއިސް ވެއްޖެ އެވެ.
ލުއިސް ރާއްޖެ އައިސްފައިވަނީ އޭނާގެ އަންހެނުންނާއި ދަރިފުޅާއެކު އެވެ.
މިއީ އޭނާ ރާއްޖެ ޒިޔާރަތްކުރި 11 ވަނަ ފަހަރެވެ. ލުއިސް ވަނީ ރާއްޖެއަކީ އޭނާގެ ދެވަނަ ގޭގެ ގޮތުގައި ސިފަކޮށްފަ އެވެ.
ލުއިސް ބުނި ގޮތުގައި އޭނާ އާއި އޭނާގެ އާއިލާއަކީ ފީނުމަށް ވަރަށް ބޮޑަށް ޝައުގުވެރިވާ އާއިލާއެކެވެ.
އަހަރުގެ ފުރަތަމަ ފަތުރުވެރިޔާ، ސްޕެއިންގެ ލުއިސް (ކ) އޭނާގެ އާއިލާއާއެކު -- ފޮޓޯ: ވީއައިއޭ
ރާއްޖެއަށް ކޮންމެ އަހަރަކުވެސް ޒިޔާރަތްކުރާ ފުރަތަމަ ފަތުރުވެރިޔާއަށް ދަނީ މަރުހަބާ ކިޔަމުންނެވެ.
ރާއްޖެއަށް މިދިޔަ އަހަރު ދެ މިލިއަން ފަތުރުވެރިން ޒިޔާރަތްކޮށްފައިވާއިރު މިދިޔަ އަހަރަކީ ރާއްޖެއަށް އެންމެ ގިނަ ފަތުރުވެރިން އައި އަހަރެވެ.