ސޯޝަލް މީޑިއާގައި "ކޯހީނޫރު" އިންޑިއާއަށް އަނބުރާ ދިނުމަށް ގޮވަނީ

އިނގިރޭސިވިލާތުގައި އެންމެ ގިނަދުވަހު ރަނިކަން ކުރި ރާނީ އެލިޒަބަތް || އަވަހާރަވުމާ ގުޅިގެން، އިންޑިއާގެ ސޯޝަލް މީޑިއާގައި އަނެއްކާވެސް "ކޯހީނޫރު" އަނބުރާ ހޯދުމާ ބެހޭ ޕޯސްޓްތަކާއި މީމްސްތައް ދައުރުވާން ފަށައިފި އެވެ.

ރާނީ އެލިޒަބަތް އަވަހާރަވުމާ ގުޅިގެން ވަލީއަހުދު އަދި އެކަމަނާގެ ދޮށީ ފިރިހެން ދަރިކަލުން ޕްރިންސް ޗާލްސް ވަނީ ކިންގް ޗާލްސް ||| ގެ ގޮތުގައި ތަހުތާ ހަވާލުވެވަޑައިގެންފަ އެވެ.

"ކޯހީނޫރު" އަކީ ކޮބާ؟

"ކޯހީނޫރު"ގެ މާނައަކީ ނޫރުގެ ފަރުބަދަ އެވެ. މިއީ 105.6 ކެރެޓްގެ އެއްވެސް ކުލައެއް ނެތް އަލިމަހެކެވެ. މި އަލިމަހަކީ 13 ވަނަ ގަރުނުގައި ކަކަތިޔަ ޑައިނޭސްޓީއިން އަންދްރާ ޕްރަދޭޝްގެ ގުންތޫރު ސަރަހައްދުން ހޯދާފައިވާ އަލިމަހެކެވެ.

އެކި ފަހަރު މަތިން އެތަކެއް ރަސްކަލުންގެ އަތްތަކުން މި އަލިމަސް ބަދަލުވި އެވެ. މުގަލްގެ އަތްމަތިންނާއި ފާރިސީންގެ އަތްމަތީންނާއި އަފްގާންސްގެ އަތްމަތިން ގޮސް، ސީކް މަހާރާޖާއެއް ކަމުގައިވާ ރަންޖީތް ސިންގް "ކޯހީނޫރު" އަނބުރާ އިންޑިއާއަށް ގެނައެވެ.

"ކޯހީނޫރު" އިނގިރޭސިންނާ ހިސާބަށް ދިޔައީ ކިހިނެތް؟

އިނގިރޭސިން މަހާރާޖާ ރަންޖީތް ސިންގްއާ ހަނގުރާމަކުރުމަށްފަހު، ޕަންޖާބް އެމީހުންގެ ބާރުގެ ދަށަށް ގެނައެވެ. އަދި އީސްޓް އިންޑިއާ ކޮމްޕެނީ އިން ރަންޖީތް ސިންގްގެ ދަރިކަލުން ރަސްކަމަށް އެރުމުން 10 އަހަރުގެ ދުލީޕް ސިންގްގެ މައްޗަށް ބާރު ހިންގާ "ކޯހީނޫރު" ދޭން މަޖްބޫރުކުރިއެވެ.

މި ހިސާބުން މި އަލިމަސް ހަދިޔާކުރީ ރާނީ ވިކްޓޯރިއާއަ ށެވެ. ރާނީ ވިކްޓޯރިއާގެ ފިރިކަލުން ޕްރިންސް އެލްބާޓް "ކޯހީނޫރު" ކަނޑައި، އެންމެންގެ ލޯތައް ތަރަތަރަ ޖަހާވަރަށް ޕޮލިޝްކުރުމަށް އެންގި އެވެ.

ރާނީ ވިކްޓޯރިއާ "ކޯހީނޫރު" މޭގައި ޖަހައި ދައްޗެއްގެ ގޮތުގައި ބޭނުންކުރެއްވިއެވެ. އޭގެ ފަހުން މި އަލިމަސް ރާނީ އެލެކްސާންޑްރާ އަދި ރާނީ މޭރީގެ ތާޖުތަކުގައި ހަރުކުރެވުނެވެ. އޭގެ އެތައް އަހަރުފަހުން ރާނީ އެލިޒަބަތް || ގެ ބައްޕާފުޅު ޖޯޖް vi ރަސްގެފާނަށް ވީދުވަހު، އަނބިކަނބަލުން އަދި އެލިޒަބަތްގެ މަންމާފުޅު ތުރުކުރެއްވި ތާޖުގައި ކޯހީނޫރު ހަރުކޮށްފައިވެ އެވެ.

ރާނީގެ މަންމާފުޅު 2002 ގައި އަވަހާރަ ވަންދެން މި ތާޖް އެކި ފަހަރު މަތިން ބޭނުންކުރެއްވި އެވެ. ކުއީން މަދަރ ވަނީ ރާނީ އެލިޒަބަތް || ރާނީގެ ތަހުތަށް އެރިއިރުވެސް މި ތާޖު ބޭނުންކުރައްވާފަ އެވެ. މި ތާޖު މިހާރު ވަނީ ޝާހީ އާއިލާގެ އެހެން ޖަވާހިރުތަކާއި ގަހަނާތަކާއެކު އެވެ. ރައްކާކުރާނީ ޓަވަ އޮފް ލަންޑަންގެ ޖުވެލް ހައުސްގަ އެވެ.

"ކޯހީނޫރު" އަށް ދައުވާ ކުރަނީ ކޮން ގައުމުތަކެއް؟

"ކޯހީނޫރު" އަކީ އެ ފަރާތުގެ މިލްކިއްޔާތެއް ކަމަށް ބުނެ އެ އަލިމަހަށް އިންޑިއާ، ޕާކިސްތާން، އަފްގާނިސްތާން އަދި އީރާނުން ދައުވާކުރާތާ ގިނަ އަހަރުތަކެއް ވެއްޖެ އެވެ. ނަމަވެސް އިނގިރޭސި ވިލާތުން ބުނަނީ އެއީ އެ ގައުމުގެ މިލްކިއްޔާތެއް ކަމުގައެވެ. ރާނީ އެލިޒަބަތު || އަވަހާރަވުމާ ގުޅިގެން، އިންޑިއާގެ ސޯޝަލް މީޑިއާގައި މި މައްސަލަ އަލުން ވަނީ