ދިރާގު ޕްރީޕެއިޑް ކަސްޓަމަރުންނަށް 125 ރުފިޔާއަށް 20 ޖީބީ ޑޭޓާ ލިބޭ ޕްރޮމޯޝަނެއް ފަށައިފި އެވެ.
ދިރާގުން ބުނީ މި ޕްރޮމޯޝަން ކުރިއަށް ގެންދާނީ ފަސް ދުވަހުގެ މުއްދަތަށް ކަމަށެވެ.
ލިމިޓަޑް ޓައިމް އެޑް-އޮން ދިރާގު އެޕް މެދުވެރިކޮށް ނުވަތަ 343 އަށް ކީވޯޑް 'Data125' ޖެހުމަށްފަހު އެސްއެމްއެސްއެއް ކޮށްލައިގެން މި ޕެކޭޖު އެކްޓިވޭޓް ކުރެވޭނެ އެވެ. މި މިނީ ޑޭޓާ އެޑް-އޮން ދިރާގުގެ ހުރިހާ ޕްރީޕެއިޑް ކަސްޓަމަރުންނަށް ވެސް ލިބޭނެ ކަމަށް ދިރާގުން ބުނެ އެވެ.
ދިރާގުގެ ސްޓޭންޑަޑް ޕްރީޕެއިޑް ޕްލޭންތަކަށް ސަބްސްކްރައިބް ކުރާ ކަސްޓަމަރުންނަށް ތަފާތު ގިނަ ޕްލޭންތަކެއް މިހާރު ވަނީ ފަރުމާކޮށްފަ އެވެ. އެގޮތުން ދިރާގު ކޮމްބޯ ޕްލޭންސް އަކީ ޑޭޓާ، ވޮއިސް، އަދި އެސްއެމްއެސް ހިމެނޭ ގޮތަށް ފަރުމާކޮށްފައިވާ ޕްލޭނެކެވެ.
މީގެއިތުރުން ދިރާގު ސަޅި ޕްރީޕެއިޑް ޕްލޭންސް އަކީ ކޮންމެ ދުވަހަކު ރިފްރެޝްކުރެވޭ ޑެއިލީ ޑޭޓާ އެލަވަންސްގެ އަދަދާއި ވެލިޑިޓީ އިހްތިޔާރު ކުރެވޭ ގޮތަށް ފަރުމާކޮށްފައިވާ ޕްލޭނެކެވެ.
އަނެއް ޕްލޭނަކީ ދިރާގު މަމެން ޕްލޭނެވެ. ޒުވާނުންނަށް ހާއްސަކޮށްގެން ފަރުމާކޮށްފައިވާ މި ޕްލޭންއަކީ ޑޭޓާ، ވޮއިސް، އަދި އެސްއެމްއެސް އެލަވަންސް ބޭނުން ގޮތަކަށް ފަރުމާކުރެވޭ ޕްލޭނެކެވެ. އަދި އެހެން މަމެން ޔޫޒަރުންނަށް ކްރެޑިޓް ޓްރާންސްފާ ވެސް ކުރެވޭނެ އެވެ.