ރ. އަތޮޅު ކޮއްޓެފަރު ރިސޯޓުގެ ބާގައި އަލިފާން ރޯވެ އެ އިމާރާތް ބޭނުންނުކުރެވޭ ވަރަށް އަނދާ ހުލިވެއްޖެ އެވެ.
މިހާދިސާ ހިނގާފައިވަނީ ރޭ ދަންވަރު 1:00 ހާއިރު އެވެ.
ނައިފަރުގައި ތިބޭ ސިފައިންނަށް ކޮއްޓެފަރަށް ދެވުނީ 2:46 ހާއިރު އެވެ. އޭރު ރިސޯޓުގެ މުވައްޒަފުންގެ މަސައްކަތުން ވަނީ އަލިފާންގަނޑުގެ 90 ޕަސަންޓް ނިއްވާލާފަ އެވެ.
އަލިފާންގަނޑު އެއްކޮށް ނިއްވާލެވިފައިވަނީ ފަތިހު 4:00 ޖެހިއިރު އެވެ.
މިހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ކަމާ ގުޅޭ އިދާރާތަކުން ބުނެ އެވެ.