އައިޖީއެމްއެޗުން ފޯރުކޮށްދޭ ހިދުމަތް ފަސޭހައި ހޯދުމުގެ ފުރުސަތު އާންމުންނަށް ހޯދައިދިނުމަށް އެ ހޮސްޕިޓަލުން ތައާރަފްކުރި މިބައިލް އެޕްލިކޭޝަންގެ އައއޯއެސް ވާޝަން އިފްތިތާހުކޮށްފިއެވެ. އެ އެޕްލިކޭޝަންގެ އެންޑްރޮއިޑް ވާޝަން ވަނީ މިދިޔަ އަހަރުގެ އޭޕްރިލްމަހުގެ ތެރޭގައި ތައާރަފްކޮށްފަ އެވެ.
ރޭ އައޖީއެމްއެޗްގައި ބޭއްވރަސްމިއްޔާތެއްގައި އެޕް ތައާރަފްކޮށްދެއްވީ އެ ހޮސްޕިޓަލްގެ ސީއީއޯ، ބްރިގޭޑިއާ ޖެނަރަލް ރިޓަޔާޑް ފަރުހަތު ޝަހީރެވެ.
އައިޖީއެމްއެޗުން ބުނީ، އެ ހޮސްޕިޓަލްގެ މޯބައިލް އެޕް މިއަދުން ފެށިގެން އެޕަލް ޕްލޭ ސްޓޯ ތަކުން ލިބެން ހުންނާނެ ކަމަށެވެ. އައިޖީއެމްއެޗް މޮބައިލް އެޕްލިކޭޝަން ބޭނުންކޮށްގެން ކިއު ނަންބަރު ނެގުމާއި، ޑޮކްޓަރުންގެ ޑިއުޓީ ބެލުމާއި އެޕޮއިންޓްމަންޓް ހެއްދުން ފަދަ ކަންކަން ކުރެވޭނެ އެވެ.
އެ ހޮސްޕިޓަލުން ބުނީ ކުރިއަށް އޮތް ދުވަސްތަކުގައި އެޕްލިކޭޝަން މިހާރަށްވުރެ ފުރިހަމަކުރުމަށް ގެންނަން ޖެހޭ ބަދަލުތައް ގެންނާނެ ކަމަށެވެ.
