ނޯވޭގެ އުންމީދީ ކުޅުންތެރިއެއް ކަމަށްވާ މާޓިން އޮޑެގާޑް ސްޕެއިންގެ ރެއާލެ މެޑްރިޑަށް ވިއްކާލަން އޭނާ މިހާރު ކުޅެމުންދާ ނޯވޭގެ ސްޓްރޮމްސްގޮޑްސެޓް އިން އެއްބަސްވެއްޖެ އެވެ.
އޮޑެގާޑް ،16، ޔޫރަޕްގެ ޗެމްޕިއަން ރެއާލަށް ބަދަލުވަނީ ޔޫރަޕްގެ އެހެން ބޮޑެތި ކްލަބުތަކުން ވެސް އޭނާ އަށް ފާރަލަމުން ދަނިކޮށެވެ. ރެއާލް އިން އޮޑެގާޑްގްގެ ޓްރާންސްފާ ފީއެއް ހާމައެއް ނުކުރެ އެވެ. އެކަމަކު ރިޕޯޓްތަކުން ބުނާގޮތުގައި ސްޓްރޮމްސްގޮޑްސެޓް އިން ރެއާލަށް އޮޑެގާޑް ދޫކޮށްލީ ތިން މިލިއަން ޔޫރޯގެ ޓްރާންސްފާ ފީއެއްގަ އެވެ.
ބުރާސްފަތި ދުވަހު އޮޑެގާޑް ރެއާލަށް ސޮއިކޮށް، އެ ކްލަބުގެ ކުޅުންތެރިއެއްގެ ގޮތުގައި ރަސްމީކޮށް އޭނާ ތައާރަފްކުރާނެ އެވެ.
އުމުރުން 15 އަހަރުގައި އޮޑެގާޑް ވަނީ މިދިޔަ އަހަރު ނޯވޭގެ ގައުމީ ޓީމަށް ކުޅެފަ އެވެ. އޮޑެގާޑް މިދިޔަ އަހަރު ވިދާލީ ނޯވޭގެ ލީގުގައި ކުޅެ، ލަނޑު ޖެހި އެންމެ ޒުވާންް ކުޅުންތެރިއާ އަށް އޭނާ ވުމުންނެވެ.
އޮޑެގާޑަށް ރެއާލްގެ ކޯޗު ކާލޯ އެންޗަލޮޓީ ވަނީ މީގެ ކުރިން ތައުރީފްކޮށްފަ އެވެ.
ރެއާލްގައި އޮޑެގާޑް ކުޅޭނީ އެ ކްލަބުގެ ބީ ޓީމަށެވެ. މިހާރު ސްޕެއިންގެ ތިން ވަނަ ޑިވިޝަންގައި ވާދަކުރާ ރެއާލްގެ ބީ ޓީމުގެ ކޯޗަކީ ރެއާލްގެ ކުރީގެ ތަރި ޒިނެދީން ޒިދާނެވެ. -- ބީބީސީ