20ތް ޓެލެވިޝަން އާއި އޭ+އީ ސްޓޫޑިއޯސް އިން "އެވެލޮން" ނަމުގައި މިސްޓްރީ ސީރީޒެއް ހެދުމުގެ މަސައްކަތް ފަށައިފި އެވެ.
"އެވެލޮން" ގައި ލީޑް ރޯލް ކުޅޭނީ ނީވް ކެމްބެލް އާއި ސްޓީވަން ޕަސްކާލް އެވެ.
ނީވް އަކީ "ސްކްރީމް" ފިލްމު ތަކުން މަޝްހޫރުވި ތަރިއެކެވެ.
މި ސީރީޒްގައި ޑިޓެކްޓިވް ނިކޯލް ސިއަސީއަކީ އެލްއޭ ޝެރިފް ޑިޕާޓްމަންޓްގެ ދަށުން ކުޑަ އޮފީހެއް މެދުވެރިކޮށް 4000 ދާއިމީ ރައްޔިތުން ދިރިއުޅޭ ކެޓަލީނާ އައިލެންޑްގެ އެވެލޯން ކިޔާ ރަށެއްގެ ސެކިއުރިޓީ ބަލަހައްޓާ އޮފިސަރެކެވެ.
އެ ރަށަށް އެތައް މިލިއަން ޓޫރިސްޓުންނާއެކު އެތައް ސަތޭކަ ވާހަކަތަކެއް ވެސް އެ ރަށަށް އާދެ އެވެ. އަދި ޑިޓެކްޓިވް ސިއަސީގެ ކެރިއާ ކުރިއަރާ ނޫނީ ރޫޅޭފަދަ މިސްޓްރީއެއް ކުރިމަތިވެ އެވެ.
މިއީ މައިކަލް ކޮނޮލީ ލިޔުނު ކުރު ވާހަކައަކަށް ބިނާކޮށްފައިވާ ސީރީޒެކެވެ. އަދި މިއީ އޭބީސީގެ 2022-2023 ޕްރޮގްރާމިން ސްލޭޓްގައި ހިމެނޭ ސީރީޒެކެވެ.
މި ސީރީޒްގެ ޕްރޮޑިއުސަރުންގެ ތެރޭގައި މައިކަލް ކޮނޮލީ، ޑޭވިޑް އީ ކެލީ، ރޮސް ފައިންމަން، ޓެމް ނޫޖެން ޖޭމިސަން އާއި ބެރީ ޖޮސެން ހިމެނެ އެވެ.