ޕެރެމައުންޓް ޕްލަސް އިން ގިނަ ތަރިންތަކަކާއެކު ސީއައިއޭ ޑްރާމާ "ލަޔަނެސް" ސީރީޒް ހެދުމުގެ މަސައްކަތް ކުރިއަށް އެބްގެންދެ އެވެ.
އެމެރިކާގެ ސެންޓްރަލް އިންޓެލިޖެންސް އޭޖެންސީ (ސީއައިއޭ)ގެ ހަގީގީ ޕްރޮގްރާމަކަށް ބިނާކޮށްފައިވާ މި ޑްރާމާ ސީރީޒްގައި ފެންނާނީ ޒުވާން އާމީ މެރިން އެއް ކަމުގައިވާ ކްރޫޒް މެނުއެލޮސް އަށެވެ.
ކްރޫޒް ލަޔަނެސް އެންގޭޖްމަންޓް ޕްރޮގްރާމްއާ ގުޅި، ޓެރަރިސްޓް އޯގަނައިޒޭޝަނެއް ނައްތާލުމުގެ މަގުސަދުގައި، އެ އޯގަނައިޒޭޝަންގެ މެންބަރެއްގެ އަންހެން ދަރިފުޅާ ރަހްމަތްތެރިކަން އުފައްދާ މަންޒަރުވެސް ފެނިގެންދާނެ އެވެ.
މި ސީރީޒްގައި ކްރޫޒްގެ ރޯލް "ލޮކް އެންޑް ކީ"ގެ ތަރި ލޭޒްލާ ޑި އޮލިވޭރާ ކުޅޭއިރު، ނިކޯލް ކިޑްމަން އަދާކުރާނީ ސީއައިއޭގައި ގިނަ ދުވަސްވީ ސީނިއާ ސުޕާވައިޒާ ކެއިޓްލިން މީޑްގެ ރޯލެވެ. އަދި "އެވެޓާ" އާއި "ގާޑިއަންސް އޮފް ދަ ގެލެކްސީ"ގެ ތަރި ޒޮއީ ޒެލްޑާނާ މި ސީރީޒްގައި އަދާކުރާނީ ލަޔަނެސް ޕްރޮގްރާމްގެ ސްޓޭޝަން ޗީފް ޖޯގެ ރޯލެވެ.
މި ތިން ތަރިންގެ އިތުރުން ކާސްޓްގައި ޖިލް ވެގްނާ، ޑޭވް އެނަބްލް، ޖޭމްސް ޖޯޑަން، އޮސްޓިން ހާބަޓް، ސްޓެފަނީ ނޫރް އަދި ޖޯނާ ވާޓަން ހިމެނެ އެވެ.
މި ސީރީޒް އުފައްދާފައިވަނީ "ޔެލޯސްޓޯން"ގެ ކްރިއޭޓާ ޓޭލާ ޝެރިޑަން އެވެ. މި ސީރީޒް ސްޓްރީމްކުރަން ފާށާ ތާރީޙް އަދި ހާމަކޮށްފައެއް ނުވެ އެވެ.