ސިހުރު ހަދާ ކަމަށް ތުހުމަތުވެގެން ގއ. ވިލިނގިލީ ދެ ގެއެއް ބަލައި ފާސްކޮށް ދެ މީހަކު ހައްޔަރުކޮށްފި އެވެ.
ހައްޔަރު ކުރީ 66 އަހަރުގެ ފިރިހެނަކާއި 61 އަހަރުގެ ފިރިހެނެކެވެ. މި ދެމީހުން ހައްޔަރު ކުރީ އިއްޔެ ހަވީރު ހިންގި އޮޕަރޭޝަނެއްގައެވެ. ކޯޓު އަމުރެއްގެ ދަށުން މި ދެ ގެ ބަލައިފާސްކުރިއިރު އެ ދެ ގެއިންވެސް ވަނީ ސިހުރު ހެދުމަށް ބޭނުންކުރާ ގިނަ ޢަދަދެއްގެ ފޮތްތަކާއި ލިޔުންތައް ފެނިފައެވެ.
އެގޮތުން މި ދެގެއިން ފެނުނުތަކެތީގެ ތެރޭގައި 90 އަށްވުރެ ގިނަ ފޮތާއި އަށް ފައިލެއްގެ އިތުރުން ގިނަ ލިޔުންތަކެއް ހިމެނެ އެވެ.
މި ރަށުން ދެ މީހަކު ހައްޔަރު ކުރި އިރު ސިހުރު ހަދާ ކަމަށް ތުހުމަތު ވެގެން އިއްޔެ ތ. ދިޔަމިގިލިން ވެސް މީހަކު ހައްޔަރު ކުރި އެވެ.
ވިލިނގިލިން ހައްޔަރު ކުރި މީހުންގެ އަތުން ފެނުނު ތަކެތި