ފޮރިން މިނިސްޓަރު އަބްދުﷲ ޝާހިދު ސްރީލަންކާގެ އެންމެ އިސްވެރިންނާ ބައްދަލުކުރައްވައިފި އެވެ.
އެގޮތުން ޝާހިދު މިއަދު ވަނީ ލަންކާގެ ރައީސް ރަނިލް ވިކްރަމްސިންހަ އަދި ބޮޑުވަޒީރު ދިނެޝް ގުނަވާޑެނާގެ އިތުރުން ލަންކާގެ ހާރިޖީ ވަޒީރު އަލީ ސޮބްރީއާ ވެސް ބައްދަލުކުރައްވާފަ އެވެ.
ރާއްޖޭގެ ފޮރިން މިނިސްޓްރީން ބުނީ މިބައްދަލުކުރެއްވުންތަކުގައި ދެ ގައުމުގެ ގުޅުން ބަދަހިކުރުމާ ގުޅޭގޮތުން ޝާހިދު މަޝްވަރާކުރެއްވި ކަމަށެވެ.
ލަންކާގެ ބޮޑުވަޒީރާ އެކު ޝާހިދު
މިނިސްޓަރު ޝާހިދު މިއަދު ވަނީ ލަންކާގެ ކުރީގެ ބޮޑުވަޒީރު މަހިންދަ ރާޖަޕަކްސައާ ވެސް ބައްދަލުކުރައްވާފަ އެވެ.
ޝާހިދު ލަންކާ އަށް ވަޑައިގެންނެވީ އެގައުމުގެ މިނިވަން ދުވަހުގެ މުނާސަބަތުގައި ބާއްވާ ހަރަކާތްތަކުގައި ބައިވެރިވެވަޑައިގަތުމަށެވެ.
