އައްޑޫ ސިޓީ ފޭދޫގެ ގެއެއްގެ ކޮޓަރީގައި އަލިފާން ރޯވެ އަނދައިފި އެވެ.
އެމްއެންޑީއެފުން ބުނި ގޮތުގައި އައްޑޫ ސިޓީ ފޭދޫ އަލިވިދާގޭގެ ކޮޓަރިއެއްގައި އަލިފާން ރޯވި ހާދިސާގެ މައުލޫމާތު ލިބުނީ މިރޭ 7:33 ހާއިރު އެވެ.
ސ. ހިތަދޫ ފަޔާ ސްޓޭޝަންގެ ފަޔާމަނުން ކުރި މަސައްކަތުން އަލިފާން ނިއްވާލެވުނީ މިރޭ 8:09 ހާއިރު ކަމަށް އެމްއެންޑީއެފުން ވަނީ ބުނެފަ އެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
އައްޑޫ އިން ވާހަކަ ދެއްކި މީހަކު ބުނި ގޮތުގައި އަލިފާނުގެ ހާދިސާގައި އެ ކޮޓަރި ވަނީ އެއްކޮށް އަނދައި އަޅިޔަށްވެފަ އެވެ.