ދިރާގުން ސެމްސަންގްގެ އެންމެ ފަހުގެ ސްމާޓްފޯން ސެމްސަންގް ގެލެކްސީ ޒެޑް ފޯލްޑް5 އަދި ގެލެކްސީ ޒެޑް ފްލިޕް5 މޮބައިލް ފޯނުތައް ޕްރީ އޯޑަރަށް ހުޅުވާލައިފި އެވެ.
ސެމްސަންގް ގެލެކްސީ ޒެޑް ފޯލްޑް5 އަދި ގެލެކްސީ ޒެޑް ފްލިޕް5 ޕްރީ އޯޑަރު ކުރާ ދިރާގު ކަސްޓަމަރުންނަށް ކޮންމެ ފޯނާކާއެކު ހިލޭ ގެލެކްސީ ވޮޗް6 ކްލަސިކްއެއް ލިބޭނެ ކަމަށް ދިރާގުން ބުނެ އެވެ. މީގެ އިތުރުން ދިރާގުން ގަންނަ ކޮންމެ ފޯނަކާއެކު ކަސްޓަމަރުންނަށް ހަ މަސް ދުވަހުގެ ނިޔަލަށް ކޮންމެ މަހަކު 10ޖީބީ ހިލޭ ބޯނަސް ޑޭޓާ ލިބޭ ހާއްސަ އޮފާއެއްވެސް އެކުންފުނިން ވަނީ ހުޅުވާލާފަ އެވެ.
ސެމްސަންގުން ނެރޭ މި އެންމެ ފަހުގެ ދެ މޮޑެލްއަކީ ދިރާގު 5ޖީ ނެޓްވޯކަށް ސަޕޯޓްކުރާ އަދި އީ-ސިމް ވެސް ބޭނުންކުރެވޭ ދެ ފޯނެވެ.
ތަފާތު ފޯލްޑަބަލް ޑިޒައިނަކާއެކު، މި ފޯނުތަކުން ސްމާޓްފޯނާއި ޓެބްލެޓް މޯޑާ ދެމެދު ފަސޭހަކަމާއެކު ބަދަލުކޮށްލެވޭ، އެންމެ ފަހުގެ ޒަމާނީ ޕްރޮސެސަރާއި ބޮޑު ރޭމްއާއެކު ގޭމިން، ސްޓްރީމިން އަދި މަލްޓި-ޓާސްކިން އެންމެ ފުރިހަމައަށް ކޮށްލެވޭނެ އެވެ.
ދިރާގުން ބުނީ އެ ކުންފުނީގެ ވެބްސައިޓް މެދުވެރިކޮށް ސެމްސަންގް ގެލެކްސީ ޒެޑް ފޯލްޑް5 އަދި ޒެޑް ފްލިޕް5 ޕްރީ އޮޑަރު ކޮށްލެވޭނެ ކަމަށެވެ.
އެންމެ ފަހުގެ ސްމާޓްފޯން ޑިވައިސްތައް ކަސްޓަމަރުންނާއި ހަމައަށް ގެނެސްދީ މިހާރަށްވުރެ ރަނގަޅު އަދި ފަސޭހަ ގޮތަކަށް ޓެކްނޮލޮޖީ މެދުވެރިކޮށް ކަސްޓަމަރުން ގުޅުވާލަދިނުމަށް މަސައްކަތް ކުރަމުންދާ ކަމަށް ދިރާގުން ވަނީ ބުނެފަ އެވެ.