ދިވެހި ފިލްމު އެވޯޑްސް ފަސްކޮށްފި އެވެ.
ކުރިން މިއަދު ބޭއްވުމަށް ހަމަޖެހިފައި އޮތް ދިވެހި ފިލްމު އެވޯޑްސް ހަފްލާ ފަސްކޮށްފައިވާ ކަމަށް ނެޝަނަލް ސެންޓާ ފޯ ދި އާޓްސް (އެންސީއޭ) އިން ބުނެ އެވެ.
އެވޯޑް ހަފްލާސް ފަސްކުރި ވަކި ސަބަބެއް އަދި ދެން މިހަފްލާ އޮންނާނެ ވަކި ދުވަހެއްވެސް އެންސީއޭ އަކުން ނުބުނެ އެވެ.
އެންސީއޭ އިން ބުނީ މިއަހަރުގެ އެވޯޑަށް ހުށަހެޅި ފިލްމުތައް ޖަޖްކުރުމުގެ މަސައްކަތް ފެށުމުގެ ތައްޔާރީތައް ވަމުންދާ ކަމަށެވެ.
ދިވެހި ފިލްމު އެވޯޑްސްގައި ފިލްމުތައް ބައިވެރިކުރަން މިދިޔަ މަހުގެ 16 ވަނަ ދުވަހުގެ ނިޔަލަށް ހުޅުވާލި ފުރުސަތުގައި ބައިވެރި ކޮށްފައިވާ ފިލްމުތަކުގެ އަދަދެއްވެސް އަދި އެނގިފައެއް ނުވެ އެވެ.
މިއަހަރު އެވޯޑް ދޭނީ 2019 އިން 2022 އާއި ދެމެދުގައި ތައްޔާރުކޮށްފައިވާ ފިލްމުތަކަށެވެ.
ދިވެހި ފިލްމު އެވޯޑްސް އެންމެ ފަހުން ބާއްވާފައިވަނީ ނޮވެމްބަރު 15، 2019 ގައެވެ.