ހުޅަނގުން ޔުކްރޭނަށް ފޯރުކޮށްދޭ އެފް16ގެ ފައިޓަރު ޖެޓްތައް ބަނދަރުކުރެވޭ ގޮތަށް އަދި އުދުހި އައިސް ޖެޓުތައް ޖައްސާ ގޮތަށް ބިނާކުރާ ރަންވޭތަކާއި އެއާފީލްޑްތައް، އިންޒާރަކާ ނުލައި ނައްތާލާނެ ކަމަށް އިސްތިއުފާ ދެއްވާފައިވާ ރަޝިއާގެ ކާނަލް ވިކްތަރު ލިތޯފްކިން ވިދާޅުވެއްޖެ އެވެ.
ކާނަލް ވިކްތަރު ވިދާޅުވި ގޮތުގައި އެފް16ގެ ޖެޓްތަކަށް ޚާއްސަ އެއްގަމު ބަނދަރެއް އޮންނާނީ ރާޑަރަށް އެރުން ލަސްވެފަ އެވެ. ރަޝިއާގެ ގަދަފަދަ މިސައިލްތަކުން އެ ބިނާތައް ވެއްޔަށް ހަދައި ބިމުގެ ފަހާ އެއްކޮށްލާނެ ކަމަށް އޭނާ ވިދާޅުވި އެވެ.
ޔުކްރޭނަށް އެފް16ގެ ޖެޓްތައް ފޯރުކޮށް ދިނުމަކުން ނުފުދޭނެ ކަމަށް ވެސް ވިކްތަރު ވިދާޅުވި އެވެ. ޖެޓުތައް އުދުއްސަން ފަށައިގަތުމުގެ ކުރިން ރާޑަރުތަކާއި އަދި މަތިންދާބޯޓު އުދުހިި އައިސް ޖެއްސުމަށް ބޭނުންކުރަން ޖެހޭ އުމްރާނީ ތަރައްގީ ބޭނުންވާނެ ކަން ހަނދާންވެސް ކޮށްދެއްވި އެވެ.
ޖެޓުތައް ޖައްސަައި ޚިދުމަތްދިނުމަށް އެއާފީލްޑްތަކެއް ހަދާ ނަމަ ޖެޓުތަކާ މުވާސަލާތުކުރުމަށް ވަސީލަތްތައް ބޭނުންވާނެ ކަމަށް އޭނާ ވިދާޅުވި އެވެ.
ވިކްތަރު ވިދާޅުވި ގޮތުގައި ޔުކްރޭންގައި މިފަދަ އެއްވެސް ވަސީލަތެއް މިވަގުތަކު ނެތެވެ. އޭނާ އަދި ވިދާޅުވީ ޔުކްރޭނުން މިފަދަ ބިނާތައް އިމާރާތްކުރާނެ ކަމަށާއި ދެލޯ މަރައިގެން ތިބޭ ބަޔަކަށް ރަޝިއާގެ އަސްކަރިއްޔާ ނުވާނެ ކަމަށެވެ.
ރަޝިއާގެ ޖެޓްތައް ބިމުން މައްޗަށް އަރާފައި -- ޔުކްރޭނުން ބިމުން މައްޗަށް ކޮށްފައި ހުރި އިމާރާތެއް ނަމަ -- ބިމާ ހަމަކޮށްލާނެ ކަމަށް އޭނާ ވިދާޅުވި އެވެ.
ޔުކްރޭނުން މިފަދަ ބިނާތައް -- އިކުއިޕްމަންޓްތައް ބަހައްޓަން ފަށާތަން ރަޝިއާއަށް ފެންނާނެ ކަމަށް ވެސް ކާނަލް ވިދާޅުވި އެވެ. އިމާރާތްތައް ކޮންމެވެސް ވަރަކަށް ބިނާކުރަން ފުރުސަތު ދެއްވާނެ ކަމަށްވެސް އޭނާ ވިދާޅުވި އެވެ.
ވިކްތަރު ވިދާޅުވި ގޮތުގައި ދެން އޮންނާނީ ޔުކްރޭންގެ ބިނާތައް ބޭނުން ނުކުރެވޭ ވަރު ކުރުމެވެ. އޭނާ އަދި ވިދާޅުވީ ހުޅަނގުން ފޯރުކޮށްދޭ ޖެޓަކުން ރަޝިއާގެ ކަރާމާތަށް ގޯނާކޮށްފިނަމަ ކަރުދާހުގައި ލިޔަން ނުކުޅަދާނަ ގެއްލުން ޔުކްރޭނަށް ދޭނެ ކަމަށެވެ.
ޔުކްރޭނަށް ފޮނުވާ ފައިޓަރު ޖެޓުތައް އުދުއްސަން ބޭނުންކުރާ އިމާރާތްތަކަށް ގެއްލުން ދޭނެ ކަމަށް ރަޝިއާ ބުނޭ