ޑިންގީއެއް ބަންޑުން ޖަހާލި ހާދިސާގައި ކަނޑުވި ދެ މީހަކު ސަލާމަތްކޮށްފި އެވެ.
ށ. ފޯކައިދޫ އިން ފުރައިގެން ހދ. ކުޅުދުއްފުއްޓަށް ދަތުރުކުރި ޑިންގީ ބަންޑުން ޖަހާލީ ފޯކައިދޫ ކައިރިންނެވެ.
އެމްއެންޑީއެފުން ބުނީ މި ހާދިސާގެ މައުލޫމާތު ލިބުނީ ރޭ 10:23 ހާއިރު ކަމަށެވެ. އަދި ޑިންގީން ކަނޑުވި ދެ މީހުން އެ ސަރަހައްދުން ދަތުރުކުރި ކަންނެލި ދޯންޏަކަށް ނަގާފައިވާ ކަމުގެ މައުލޫމާތު ރޭ 12:21 ހާއިރު ލިބިފައިވާ ކަމަށެވެ.
ކަނޑުވި ދެ މީހުންގެ ހާލު ރަނގަޅު ކަމަށާއި ކަންނެލި ދޯނީގައި އެ މީހުން ފޯކައިދޫއަށް ގެންގޮސްފައިވާ ކަމަށްވެސް އެމްއެންޑީއެފުން ވަނީ ބުނެފަ އެވެ.