ޔުނައިޓެޑް ވިކްޓަރީގެ ކޯޗުކަމުގެ މަގާމަށް ތަޖުރިބާކާރު ކޯޗު މުހައްމަދު އާތިފް ހަމަޖައްސައިފި އެވެ.
އާތިފް އަކީ ކުރިން ވިކްޓަރީ އަށް ވެސް ކޯޗުކޮށްދީ ރަނގަޅު ނަތީޖާތަކެއް ހޯދައިދީފައިވާ ކޯޗެކެވެ.
ކުރީގެ މަޝްހޫރު ލެގޫންސަށް ކުޅުނު އާތިފް އަކީ ގައުމީ ޖޫނިއާ ޓީމުތަކާއި އަންހެން ޓީމުގެ ހެޑްކޯޗުކަން ވެސް ކޮށްފައިވާ ކޯޗެކެވެ.
ޔުނައިޓެޑް ވިކްޓަރީގެ ކޯޗުކަމަށް ކުރިން ގެންނާނެ ކަމަށް ބެލެވިފައިއޮތީ މިދިޔަ އަހަރު ވިކްޓަރީ އަށް ކޯޗުކޮށްދިން އަހުމަދު ނާޝިދު (ނާދު) އެވެ.
ޔުނައިޓެޑް ވިކްޓަރީ އަކީ މިދިޔަ އަހަރު ފުރަތަމަ ޑިވިޝަނަށް ކޮލިފައިވީ ކޯޗު މުހައްމަދު ނަޒީހުގެ ބެލުމުގެ ދަށުންނެވެ. އޭނާ އަކީ މިހާރު ވިކްޓަރީގެ ހެޑްކޯޗެވެ.
ޔުނައިޓެޑް ވިކްޓަރީ އަކީ މިހާރު އަންނަ އޭޕްރީލް މަހު ފަށާ އާ އަހަރުގެ ފުޓްބޯޅަ ސީޒަނަށް ޕްރެކްޓިސް ނުފަށާ އޮތް ހަމައެކަނި ޓީމެވެ.
ޝާކިރު (ކ) އާއި އާތިފްއާއެކު: ޔުނައިޓެޑް ވިކްޓަރީގެ ކޯޗަކީ އާތިފް